Yeni bir araşdırma yoluxucu bakteriyaların köpəkbalığı kimi qana doğru çəkə bildiyini aşkar edib. Məlum olub ki, dünyadakı ölümcül bakteriyalar insan qanı axtarır və onunla qidalanır.

Bizimyol.info xəbər verir ki, Vaşinqton Dövlət Universitetinin (WSU) tədqiqatçıları qida yoluxucu xəstəliklərə səbəb olan "Salmonella" və "E.coli" kimi bakteriyalar arasında “bakterial vampirizm” adlı yeni xüsusiyyət aşkar ediblər. Bu mikroorqanizmlərin bağırsaqdan qana necə bu qədər məharətlə keçə bildiyi və orada ölümcül olduğu çoxdan sirr olaraq qalır. Komanda bu bakteriyaların qanın qida kimi istifadə edə biləcəyi qida maddələri olan mayelərə cəlb olunduğunu aşkar edilib.

Patogenlər bu mayelərin harada olduğunu asanlıqla tapa bilir və həzm sistemindəki kiçik kəsiklər vasitəsilə qana daxil olur. Bu, bəzən bağırsaq xəstəlikləri olan insanlarda sepsis, yəni qan zəhərlənməsi səbəbindən ölümə səbəb ola bilər.

10 milyard su damcısında bir damcı qan aşkar etməklə məşhur olan köpək balıqları kimi vampir bakteriyalarını cəlb etmək üçün hətta bir damla qan kifayətdir.

"Qan dövranını yoluxduran bakteriyalar öldürücü ola bilər. Biz araşdırırıq ki, ən çox qan dövranı infeksiyalarına səbəb olan bakteriyalar əslində insan qanında kimyəvi maddə aşkar edib ona doğru üzürlər", - deyə aparıcı tədqiqatçı professor Arden Baylink bildirib.

"E.coli" və "Salmonella" kimi enterobakteriyalar bu kimyəvi maddələrin 0,0000000000001 millilitre bərabər olan bir femtolitr qədər kiçik miqdarını aşkar edə bilir.

Bağırsağa qan sızan kəsik tapdıqda, ətrafına toplaşaraq qan dövranına daxil ola bilərlər.

Qadir, Bizimyol.info