“İsrail ordusu İordan çayının qərb sahilində bir neçə reyd keçirib”.

Bizimyol.info xəbər verir ki, bu barədə Qətərin “Əl-Cəzirə” telekanalı məlumat yayıb.

Telekanalın verdiyi məlumata görə, hərbçilər Hebronun cənubundakı Əl-Favvar düşərgəsinə basqın zamanı 3 fələstinlini həbs ediblər. Yerixoda Aqabat Cabr düşərgəsində daha bir nəfər təhlükəsizlik qüvvələri tərəfindən həbs edilib. Hərbçilər Qalqilya şəhərinə və Beytləhmdəki Dheisha düşərgəsinə də basqın ediblər.

2023-cü il oktyabrın 7-də Qəzza zolağından radikal HƏMAS hərəkatının silahlı tərəfdarlarının İsrail ərazisinə hücumu, sərhədyanı yaşayış məntəqələrinin sakinlərinin öldürülməsi və 240-dan çox insanın girov götürülməsindən sonra Yaxın Şərqdə vəziyyət kəskin şəkildə pisləşib. Radikallar bu hücumu İsrail hakimiyyətinin Qüdsdəki Əl-Əqsa məscidinə qarşı hərəkətlərinə cavab adlandırıblar.

İsrail Qəzzanı tam blokadaya aldığını elan edərək Livan, Suriyanın və zolağın müəyyən ərazilərinə zərbələr endirməyə başlayıb, bundan sonra anklavda quru əməliyyatına başlayıb.

Qadir, Bizimyol.info