"Hazırda dünya birliyi soyuq müharibə dövründəkindən daha təhlükəli vəziyyətdədir, dünya ölkələrinin parçalanması son 75 ildə maksimum həddə çatıb".
Bizimyol.info xəbər verir ki, bunu BMT-nin baş katibi Antonio Quterreş Münhen Təhlükəsizlik Konfransında çıxışı zamanı deyib.
“Dünyamız ekzistensial problemlərlə üz-üzədir, qlobal birlik son 75 ildə ən çox parçalanmış və bölünmüşdür. Hətta Soyuq Müharibə dövrü müəyyən mənada indikindən daha az təhlükəli idi", - deyib.
Ümumdünya təşkilatının rəhbəri vurğulayıb ki, indi dünya “hələ də nüvə təhlükəsi ilə üz-üzədir”, lakin eyni zamanda, yeni risk mənbələri yaranıb: "Biz ekzistensial nisbətdə iki ayrı təhlükə ilə qarşılaşırıq: iqlim böhranı və nəzarətsiz süni intellekt riski", deyə o qeyd edib ki, indiyə qədər dünya sadalanan təhdidlərdən hər hansı birinə cavab vermək üçün təsirli addımlar ata bilməz.
60-cı Münhen Təhlükəsizlik Konfransı fevralın 16-18-də keçiriləcək. Almaniya kansleri Olaf Şolz, Fransa prezidenti Emmanuel Makron və Polşanın baş naziri Donald Tusk tədbirə dəvətlidirlər. Bundan əlavə, forumda ABŞ-ın vitse-prezidenti Kamala Harris və Çinin xarici işlər naziri Vanq Yinin də iştirakı gözlənilir. Rusiya hakimiyyətinin nümayəndələri konfransa dəvət edilməyib.
Münhen Konfransı 1962-ci ildə alman publisist Evald fon Kleist tərəfindən NATO-ya üzv ölkələrin “müdafiə nazirliklərinin nümayəndələrinin iclası” kimi təsis edilib. 1999-cu ildən burada Mərkəzi və Şərqi Avropa ölkələrindən siyasətçilər və hərbçilər, biznes nümayəndələri iştirak etməyə başladılar. Forumda ənənəvi olaraq təhlükəsizlik siyasəti sahəsində yeni təşəbbüsləri müzakirə edən siyasətçilərin çoxsaylı qeyri-rəsmi və şəxsi görüşləri keçirilir.
Qadir, Bizimyol.info