İsveç və Danimarkadan olan tədqiqatçılar bütün qan qruplarını oxşarlaşdıran və "universal qan qrupu" yaradan üsul kəşf ediblər.

Bizimyol.info "webtekno"ya istinadən xəbər verir ki, metod bağırsaqlarımızdakı bir bakteriyada olan fermentdən istifadə edir.

Qan donorluğu səhiyyə sahəsinin çox vacib hissəsidir. Təəssüf ki, hər kəsin qanı hər kəsin qanına uyğun gəlmir. Hər bir insanın müxtəlif qan qrupları var. Müəyyən qan qruplarının az olması da narahatedici nəticələrə səbəb ola bilir.

Yeni araşdırma məhz bu məsələyə yönəlib. Tədqiqatçılar bu yaxınlarda Təbiət Mikrobiologiyasında nəşr olunan araşdırmalarında "universal qan qrupu" yaratmağın bir yolunu tapdıqlarını açıqladılar. Belə bir imkan bütün tibb sahəsində böyük bir inqilab yarada bilər.

Bağırsaqlarda olan bir ferment qan qrupunu təyin edən antigenləri çıxara bilir

Elm adamları, təməlqoyma üsulunun demək olar ki, hər kəsin bağırsaqlarında tapılan bir bakterial ferment sayəsində mümkün ola biləcəyini qeyd ediblər. Bildirilib ki, bu ferment qan qrupunu təyin etməyə kömək edən qırmızı qan hüceyrələrində olan antigenləri aradan qaldıra bilir.

İnsanların qanında A antigeni varsa A qrupuna, B antigeni varsa B qrupuna, hər ikisi varsa AB qrupuna daxildir. Əgər onlardan heç biri daxil deyilsə, onlar 0-cı qrupa yerləşdirilir. Bu səbəbdən 0-cı qrup bütün qruplara qan verə bilir və “universal qrup” adlanır. Ancaq təsəvvür etdiyiniz kimi, onlar o qədər də çox deyil.

Qan ehtiyatının məhdud olması deyə bir şey olmaya bilər

Əgər belə bir hal baş verərsə və müxtəlif qan qruplarını fərqləndirən faktorlar aradan qaldırılarsa, “universal donor qanı” deyilən qrup çox daha əlçatan edilə bilər və məhdud qan ehtiyatları probleminin qarşısı alına bilər. Biz bilirik ki, bəzi müalicələr üçün qanköçürmə böyük əhəmiyyət kəsb edir. Buna görə də, belə bir inkişaf milyonlarla insanın həyatını xilas edəcək və tibbi sistemləri əbədi olaraq dəyişdirəcəkdir.

Ferment Danimarka Texniki Universiteti və İsveçin Lun Universitetinin tədqiqatçıları tərəfindən kəşf edilib. Onlar qırmızı qan hüceyrələrindən A və B antigenlərini çıxarmaq üçün fermentdən istifadə etdilər. Nəticələr bağırsaqlarda "Akkermansia Muciniphila" adlı bakteriyalarda tapılan bu fermentin antigenlərin çıxarılmasında təsirli olduğunu göstərib. Bu, O qrupu olaraq bildiyimiz universal qan qrupunun əslində tamamilə "universal" olmağa başlaya biləcəyini ortaya qoydu.

Metod hələ çox erkən mərhələdədir. Tam effektiv olub olmadığını görmək üçün daha çox araşdırma və sınaq tələb olunur. Zaman keçdikcə hər kəsi qanla təmin edə biləcək və qan ehtiyatı problemlərini aradan qaldıra biləcək universal qan qrupunun reallığa çevrilib-keçilmədiyini görəcəyik.

Qadir, Bizimyol.info