Böyük Britaniyanın Müdafiə Nazirliyi məlumat bazasının sındırılması və məmurların, hazırkı və keçmiş hərbçilərin məlumatlarının oğurlanması barədə mətbuatda yayılan məlumatlardan dərhal sonra onu ləğv edib.

Bizimyol.info xəbər verir ki, bu barədə Əmək və Pensiya naziri Mel Stride məlumat verib.

"Müdafiə Nazirliyi çox tez reaksiya verdi və dərhal serverləri bağladı", - deyə nazir "Reuters"ə məlumat verərkən bildirib.

Əmək haqqı hesablama sistemləri sındırılıb, bu hakerlərə bank rekvizitləri, müdafiə personalı və hərbi personal da daxil olmaqla şəxsi məlumatlara çıxış əldə etməyə imkan verib. Eyni zamanda qeyd edilir ki, bu məlumat bazası podratçı şirkətə məxsusdur və Müdafiə Nazirliyinin sistemlərinə qoşulmayıb, ona görə də nazirliyin əməliyyat məlumatlarının oğurlanması baş verməyib. Kiberhücumla bağlı departament araşdırmasına başlanılıb.

Mart ayında Britaniya səlahiyyətliləri bildirmişdilər ki, çinli hakerlər krallığın Seçki Komissiyasının serverlərini sındıraraq ölkədəki 40 milyona yaxın seçicinin şəxsi məlumatlarına giriş əldə ediblər. Bundan əlavə, onların keçmiş Mühafizəkarlar Partiyasının lideri Iain Duncan Smith də daxil olmaqla bir neçə parlamentariyə qarşı kiberhücumlar həyata keçirdikləri iddia edilib. Bundan sonra London iki Çin vətəndaşı və bir şirkətə qarşı sanksiya tətbiq edib. Britaniya səlahiyyətliləri hücumun arxasında "APT31" haker qrupunun olduğunu bildirib.

Çin Xarici İşlər Nazirliyinin sözçüsü Lin Jian daha əvvəl bildirib ki, Pekin Britaniyanın haker hücumuna dair əsassız ittihamları rədd edir və Londonu yalan məlumatların yayılmasına son qoymağa çağırır.

Qadir, Bizimyol.info