UEFA Rumıniya yığması barədə intizam işi açıb.
Bizimyol.info Report-a istinadən xəbər verir ki, araşdırma Millətlər Liqasının IV turunda evdə Serbiya yığmasına qarşı keçirilmiş oyunla bağlı aparılacaq.
İntizam işi reqlamentin 3 bəndi üzrə açılıb. Komanda azarkeşlərinin intizamsızlığına görə ittiham olunur. Fanatlar sözügedən qarşılaşmada irqçi ifadələr işlədib, meydana girib, həmçinin pirotexniki vasitələrdən istifadə ediblər.
Bu məsələyə oktyabrın 25-də baxılacaq.
Qeyd edək ki, Rumıniya - Serbiya matçı 0:0 hesabı ilə başa çatıb.