Venesuelanın Maracay şəhərində yaşayan Ceyson Rodrigezin ayaq ölçüsü 63 nömrədir.
Boyu 2 metr 20 santimetr olan gəncin ayaqlarının uzunluğu 40 santimetrdir.
Ginnesin "Rekordlar kitabı"na adı düşən gəncin ən böyük dərdi ayağına uyğun ayaqqabı tapmaqdır.
Onun sağ ayağının 40,55, sol ayağının isə 40,57 santimetr uzunluqda olduğu bildirilir.
Ceyson Rodrigezin ayağına uyğun ayaqqabılar Hollandiya sərhədi yaxınlığındakı bir ayaqqabıçı tərəfindən hazırlanır. Georq Vessel adlı ayaqqabı ustası məxsusi Ceyson kimi "nəhənglərə" ayaqqabı tikir. Ömründə ilk dəfə 5 il öncə Venesuelanı tərk edib Georqla görüşə gedən Ceyson bu görüşdən sonra onunla dostlaşıb. Ayağına rahat oturan ayaqqabılar tapa bildiyinə görə özünü dünyanın ən xoşbəxti hesab edir. (Bizimyol.info)
İlhamə