Avropa İttifaqı (Aİ) diplomatik xidmətinin rəhbəri Josep Borrell faktiki olaraq Drezdendə Almaniya Sosial Demokrat Partiyasından (SPD) Avropa Parlamentinin deputatı Matias Ekkeyə hücumda sağçı ekstremistləri günahlandırıb.

Bizimyol.info xəbər verir ki, bu barədə Borrell "X" sosial platformasındakı səhifəsində yazıb.

“Mən Matias Ekkeyə hücumu qətiyyətlə pisləyirəm. Biz siyasi nümayəndələrin təqib edilməsinin yolverilməz epizodlarının və keçmişin qaranlıq dövrlərini xatırladan ifrat sağ ekstremizmin güclənməsinin şahidi oluruq: ona nə dözmək, nə də onu qiymətləndirməmək lazımdır. Biz hamımız demokratiyanı müdafiə etməliyik”, - deyə Borrell qeyd edib.

Daha əvvəl SPD-nin Sakson şöbəsi 41 yaşlı siyasətçinin küçədə seçki plakatları asdığı ​​zaman hücuma məruz qaldığını bildirmişdi. O, ağır yaralanıb və əməliyyata ehtiyac olub. Hücum edənlər haqqında rəsmi məlumat yoxdur. SPD öz press-relizində bu vəziyyəti Almaniya üçün Alternativ partiyası və sağçı ekstremistlərin Almaniyaya “səpdiyi nifrət”lə əlaqələndirir.

Polis araşdırmalara başlayıb, lakin hələ ki, həbs olunanlar və şübhəlilər yoxdur. İyunun 6-dan 9-dək Aİ ölkələrində Avropa Parlamentinə seçkilər keçiriləcək.

Qadir, Bizimyol.info