Almaniya kansleri Olaf Şolz Hannoverdə keçirilən sənaye yarmarkasının açılışında bildirib ki, qalıq enerji mənbələrindən istifadə erası başa çatır.

Bizimyol.info xəbər verir ki, onun bu barədə fikirləri Almaniya hökumətinin saytında yer alıb.

Şolz: "Təbii ki, hamımız bilirik ki, artıq qalıq yanacaq erası sona çatır", - deyə kansler bildirib. O, həmçinin qeyd edib ki, Almaniya 2030-cu ilə qədər enerjisinin 80%-ni bərpa olunan mənbələrdən istehsal etmək üçün hər cür səy göstərəcək.

Norveçin baş naziri Jonas Gahr Störe Hannoverdə keçirilən sənaye sərgisinin açılışında iştirak edib. Şolz ona Ukraynada münaqişənin başlamasından sonra Rusiya Almaniyaya enerji nəqlini dayandırdıqda göstərdiyi dəstəyə görə təşəkkür edib.

Qadir, Bizimyol.info