Həmas rəhbərliyi girovların azad edilməsi və atəşkəs üçün potensial razılaşmanın birinci mərhələsinin həyata keçirilməsini təsdiqləyib.

Bizimyol.info xəbər verir ki, bu barədə İsrail telekanalının 12-ci kanalı terror təşkilatındakı yüksək rütbəli mənbəyə istinadən məlumat yayıb.

Məlum olub ki, ABŞ Misir və Qətər vasitəsilə İsrail ordusunun bütün razılaşmanı yerinə yetirdikdən 124 gün sonra qoşunlarını tamamilə geri çəkəcəyini öhdəsinə götürdükdən sonra Həmas bunu təsdiqləyib. Terrorçular müharibənin dayandırılacağına dair zəmanət də alıblar.

Daha əvvəl Həmas liderləri razılaşma təklifini nəzərdən keçirdiklərini və "nikbin" olduqlarını açıqlamışdılar. İndi onların nümayəndə heyəti cavab vermək üçün Qahirəyə gedəcək.

“Biz xalqımızın ehtiyaclarını ödəyən, təcavüzü dayandıran, İsrail qoşunlarının Qəzzadan çıxarılmasına, köçkünlərin öz evlərinə qayıtmasına, Qəzzanın yenidən qurulmasına və məhbusların azad edilməsinə səbəb olan razılaşma əldə etmək istəyirik”, - deyə onlar qeyd ediblər.

Qadir, Bizimyol.info