"Rusiya İran və Şimali Koreyanın dəstəyi sayəsində Avdeyevkanı tuta bildi. Bundan əlavə, Moskva daha çox qüvvə səfərbər edib və silah istehsalını artırıb".

Bizimyol.info xəbər verir ki, bu barədə NATO-nun baş katibi Yens Stoltenberq mətbuata verdiyi açıqlamada bildirib. Onun fikrincə, Avdeyevkanın tutulması cəbhədəki vəziyyətə ciddi təsir etməyəcək.

“Biz inanmırıq ki, Ukrayna qoşunlarının Avdeyevkadan geri çəkilməsi özlüyündə strateji vəziyyəti əhəmiyyətli dərəcədə dəyişəcək. Eyni zamanda, bu, bizə xatırladır ki, Rusiya sırf kiçik ərazilər üçün çoxlu əsgəri qurban verməyə hazırdır”, - deyə Stoltenberq qeyd edib.

Onun fikrincə, Rusiya Federasiyasının Avdeyevkadakı uğuru İran və KXDR ilə əməkdaşlığın, eləcə də hasilatın artırılmasının və əlavə qüvvələrin səfərbər olunmasının nəticəsidir. O bildirib ki, bu, həm də müttəfiqlərin Ukraynanı daha fəal dəstəkləməyə davam etməsi üçün bir siqnaldır. Eyni zamanda, baş katib bildirib ki, Ukrayna rus işğalçılarına qarşı mübarizəni davam etdirmək üçün lazım olan şəxsi heyəti səfərbər etməlidir.

Ukrayna mətbuatının verdiyi məlumata görə, xarici KİV-lər xəbər verib ki, rus işğalçıları dağıdılmış Avdeyevkanı ələ keçirdikdən sonra Ukrayna ordusunun Donetsk vilayətində əsas logistika mərkəzi olan Pokrovska hücum edə bilərlər.

Baş Kəşfiyyat İdarəsinin rəisi Kirill Budanov Ukrayna qüvvələrinin Avdeyevkadan çıxarılması fonunda cəbhədəki çətin vəziyyəti etiraf edib. Bununla belə, o qeyd edib ki, tammiqyaslı müharibənin üçüncü ilinin astanasında Rusiyanın da problemləri var.

Azadlıq legionunun döyüşçüsü Maksim Morozov deyib ki, ruslar Avdeyevkanın qərbində Ukrayna müdafiəsini 48 saat ərzində məhv edə bilməz.

Qadir, Bizimyol.info