Müğənni və aktrisa Ledi Qaqa Co Bayden tərəfindən Prezidentin Mədəniyyət və İncəsənət Komitəsinin həmsədri təyin edilib.

Bizimyol.info xəbər verir ki, bu barədə cümə axşamı Amerika liderinin mətbuat xidmətinin yaydığı bəyanatda deyilir.

Sənəddə vurğulanır ki, Ledi Qaqa (əsl adı Stefani Joanne Angelina Germanotta) 13 Qremmi mükafatının sahibidir və dövrünün kommersiya baxımından ən uğurlu ifaçılardan biridir. Time jurnalı daha əvvəl onu dünyanın 100 ən nüfuzlu adamı siyahısına salmışdı. Müğənninin xeyriyyəçilik işlərində və bəzi ictimai kampaniyalarda fəal iştirak etdiyi qeyd edilir.

1982-ci ildə yaradılmış Komitə ABŞ prezidentinə və ABŞ hökumət rəsmilərinə mədəniyyət siyasəti ilə bağlı məsləhətlər verir. Bayden cümə axşamı prodüser Bruce Coheni başqa həmsədr təyin etdi.

Ledi Qaqa Bayden kampaniyası çərçivəsində dəfələrlə tədbirlərdə çıxış edib və ona dəstək kampaniyasında fəal iştirak edib. 2021-ci ilin yanvarında o, Baydenin andiçmə mərasimində ABŞ himnini ifa etdi.

Bizimyol.info