Bunu bizimyol.info-ya Cəlilabad rayon Xanəgah sakini bildirib.
Sakin iddia edib ki, 1980-ci illərdə tikilən məktəbin sökülən materialları şəxsi maraqlar üçün daşınır.
“Məktəb iki mərtəbəlidir və 25-ə yaxın sinif otağı var. İdman zalının dam örtüyü yararsız olduğundan onu bərpa etmək əvəzinə idman zalını sökdülər. Bu məktəbdə 4 kəndin şagirdləri təhsil alır. Xanəgah, Çəmənli, Pərdi və Türkelli kəndlərinin sakini olan şagirdlər bir daha idman dərsi keçməyəcəklər”,-deyə sakin bildirib.
Məsələ ilə bağlı Cəlilabad Rayon Təhsil Şöbəsinin müdiri Elminaz Həsənovanın mövqeyini öyrənmək cəhdlərimiz nəticəsiz qaldı. Belə ki, şöbə müdiri telefon zənglərimizə cavab vermədi.
Ramid İBRAHİMOV
[gallery columns="1" size="full" ids="35335,35336,35337">