Gürcüstanın Kaxetiya bölgəsinin dağlıq Tuşeti yolunda qar uçqunu olub.
Hadisə Pşaveli-Abano-Omalo avtomobil yolunun 36-cı kilometrliyində baş verib. Uçqun altında 2 nəfər qalıb. Onlardan birinin – yolu təmizləyən traktorçunun həyatını xilas etmək mümkün olsa da, digərinin axtarışları davam etdirilir.
Qeyd edək ki, Tuşeti yolu Avropanın ən təhlükəli yollarından hesab edilir. Bu yol may-oktyabr aylarında açıq olur. Qalan aylarda isə qar səbəbindən keçilməzdir. (Qafqazinfo.az)
