Koronavirus Çində sürətini azaldıb. Son bir sutkada cəmi 22 nəfər həyatını itirib. Halbuki say, adətən, 100-dən aşağı olmurdu.

Bizimyol.info xəbər verir ki, İtaliyada faciənin miqyası böyüyür. Avropa dövlətində ölənlərin sayı 463 nəfərə çatıb. İtaliya Səhiyyə Nazirliyi bununla bağlı məlumat yayıb.

Son bir sutkada ölkədə 97 nəfər virusla mübarizədə məğlub olub. İtaliyanın 30-a qədər şəhərində karantin elan edilib. Bütün idman yarışları aprelin 3-nə qədər təxirə salınıb. Məktəblər, bağçalar, muzeylər, kinoteatrlar bağlanıb. Milanda və Palermoda həbsxanadan qaçanlar var. Hərbi qüvvələr küçəyə tanklarla çıxıb.