Çeçenistan rəhbəri Ramzan Kadırovun üçüncü oğlunu Türkiyə serialında görmək mümkün olacaq. Adəm “Diriliş Ertuğul”da çəkilir.
Bizimyol.info xəbər verir ki, serialın bir fraqmenti “Instagram”da peyda olub. Şali rayon administrasiyasının rəhbəri Turpal-Əli İbrahimov sosial şəbəkə hesabında həmin kadrları yerləşdirib. İbrahimov həm də Adəmin dayısıdır.
İbrahimov bacısı oğlunun bütün istiqamətlərdə inkişaf etdiyini yazıb: “Məktəbdə yaxşı oxuyur, idmanla fəal məşğul olur, müxtəlif mükafatları var”. Administrasiya rəhbəri Adəmin nəslin layiqli davamçısı olduğuna əminlik ifadə edib.
“RİA Novosti”yə açıqlama verən Ramzan Kadırov filmə ailəsi ilə birlikdə baxdığını bildirib. Türkiyədə olan Çeçenistan rəhbəri serialın rejissorunu və baş rol ifaçısını Qroznıya dəvət edib. Səfər zamanı qonaqlar çeçen milli geyimlərində at yürüşünün iştirakçısı olublar.
“Diriliş Ertuğrul” Osmanlı İmperiyasının banisi I Osmanın atası Ertuğrul bəyə həsr edilib.