Yaponiyanın baş naziri Kişida Fumio bildirib ki, o, İranın həftə sonu İsrailə hava zərbəsi endirməsindən dərin narahatdır və gərginliyi kəskin şəkildə pisləyir.

Bizimyol.info xəbər verir ki, ABŞ səfərindən qayıdan Yaponiyanın baş naziri Kişida Tokioda baş nazirlik binasının girişində verdiyi açıqlamada İranın İsrailə hücumuna reaksiya verib.

"Mən dərindən narahatam. Bu cür gərginliyi qətiyyətlə pisləyirəm. "Bu Yaxın Şərqdə vəziyyətin daha da pisləşməsinə səbəb olacaq", - deyən Kişida hücuma münasibət bildirərkən deyib.

“Yaxın Şərqdə sülh və sabitlik ölkəmiz üçün də çox önəmlidir”, - deyə Kişida bölgədəki gərginliyi azaltmaq üçün diplomatik səylərini davam etdirəcəklərini bildirib. Yaponiya baş naziri bəyan edib ki, hökumət təşkilatlarına hələ bölgədə yaşayan Yaponiya vətəndaşlarının hücumdan zərər çəkməsi ilə bağlı məlumat daxil olmayıb. Digər tərəfdən, Yaponiya Xarici İşlər Nazirliyi öz açıqlamasında vətəndaşlara İrana səfər etməməyi tövsiyə edərək, buna səbəb kimi regional gərginliyi göstərib.

İsrail aprelin 1-də İranın Dəməşqdəki konsulluğunun binasına hava hücumu həyata keçirib. Hücum zamanı İran İnqilab Keşikçiləri Ordusundan 2-si general olmaqla, ümumilikdə 7 nəfər həlak olub. Bundan sonra İran bəyan edib ki, İsrailin konsulluğuna hücumu onun ölkə ərazisinə hücum etməsi deməkdir və onlar cavab veriləcək.

İsrail də İranın hücumlarına cavab verəcəyini bəyan edib. Dünən İran yüzlərlə kamikadze pilotsuz uçuş aparatı, ballistik və qanadlı raketlərlə İsrailə hücum edib və bəzi hərbi hədəflərin vurulduğunu açıqlayıb.

İsrail bildirib ki, hücumların əksəriyyətinin qarşısı hava hücumundan müdafiə sistemləri tərəfindən alınıb, lakin raket cənubdakı hərbi bazaya düşüb.

Qadir, Bizimyol.info