ABŞ dövlət katibi Antoni Blinken Parisə səfəri zamanı Fransa prezidenti Emmanuel Makronla görüşüb və onunla Ukrayna və Yaxın Şərqdəki münaqişələri müzakirə edib.

Bizimyol.info xəbər verir ki, bu barədə çərşənbə axşamı Dövlət Departamentinin mətbuat xidmətinin rəhbəri Metyu Millerin yazılı bəyanatında deyilir.

“Katib Blinken və prezident Makron Ukraynanın azadlıq mübarizəsinə güclü dəstəyini bir daha təsdiqlədilər”, -deyə Miller qeyd edib. “Onlar həmçinin Livanda gərginliyin qarşısını almaqla münaqişənin Qəzza zolağına yayılmasının qarşısının alınmasının vacibliyi barədə razılığa gəliblər”, deyə o əlavə edib.

Qeyd olunur ki, tərəflər həmçinin “Çin Xalq Respublikasının qarşıya qoyduğu çağırışları” və ərzaq təhlükəsizliyinin gücləndirilməsi istiqamətində birgə səyləri müzakirə ediblər.

Blinken aprelin 2-də Parisdə olub, daha sonra ABŞ dövlət katibi Brüsselə gedəcək və burada NATO ölkələrinin xarici əlaqələr idarələri rəhbərlərinin görüşündə iştirak edəcək.

Qadir, Bizimyol.info