Masallı-Cəlilabad rayonlarının inzibati ərazisində, saat 01:23 zəlzələ olub.

Bizimyol.info xəbər verir ki, bu barədə Azərbaycan Milli Elmlər Akademiyası nəzdində Respublika Seysmoloji Xidmət Mərkəzi məlumat verib.

Zəlzələlərin tədqiqatı bürosunun məlumatına əsasən, zəlzələ Cəlilabad stansiyasından 30 km cənub-şərqdə Masallı-Cəlilabad sərhəddində qeydə alınıb. Yeraltı təkanların maqnitudası 4.9, dərinliyi 13 km olub. Zəlzələ episentrdə 4 baldan artıq, yaxın ətraf rayonlarda 4-3 bala qədər hiss olunub.