İrəvan Azərbaycandan 29,8 kvadratmetr ərazidə Ermənistanın ərazi bütövlüyünün ictimaiyyət tərəfindən tanınmasını gözləyir.

Bizimyol.info xəbər verir ki, bu barədə Ermənistanın xarici işlər naziri Ararat Mirzoyan 2022-ci il büdcəsinin icrasının müzakirəsi zamanı deyib.

"Ermənistanda 29,8 min kvadratkilometr, Azərbaycan üzrə 86,6 min kvadrat kilometr siyasi bəyanatlardır. Onlar Ermənistanın iki keçmiş sosialist respublikasının sərhədləri daxilində Azərbaycana qarşı heç bir ərazi iddiasının olmaması ilə bağlıdır",- deyə Mirzoyan bildirib.

Onun sözlərinə görə, bu sahənin göstərilməsinin gələcəkdə əlaqələrin qurulmasına dair sazişə və digər sənədlərə daxil edilməsi nəzərdə tutulmur.

Eyni zamanda, Mirzoyan qeyd edib ki, Azərbaycan Ermənistanın 29,8 min kvadratmetrlik ərazi bütövlüyünü tanıyacağını açıq şəkildə bəyan etməyib.

"Avropa İttifaqı Şurasının rəhbəri Çarlz Mişelin bəyanatında ümumiləşdirilib ki, bu da ərazilərin göstərilməklə qarşılıqlı tanınmasını göstərir. Və bundan sonra Azərbaycan tərəfdən heç bir ictimai və ya qeyri-ictimai təkzib olmayıb”, - deyə Mirzoyan bildirib.

Onun sözlərinə görə, növbəti görüşlərdə də eyni hal yaşanıb. Mirzoyan Azərbaycan rəhbərliyinin yaxın vaxtlarda ərazi bütövlüyünün tanınması ilə bağlı açıq bəyanatlar verəcəyinə ümid etdiyini bildirib.

"Bunsuz biz Azərbaycanın Ermənistana qarşı ərazi iddialarının olmasından narahatıq",- deyə Mirzoyan söyləyib.

Delimitasiya məsələsi və Nikol Paşinyanın 1975-ci ilin xəritələrinin prosesin əsası olacağına dair bəyanatına toxunan Mirzoyan qeyd edib ki, Ermənistan sərhədlərin müəyyən edilməsi parametrlərinin tezliklə müəyyən olunmasında maraqlıdır.

Məlumat üçün bildirək ki, bundan əvvəl Ermənistanın baş naziri Nikol Paşinyan Azərbaycanın 86,6 min kvadratmetrlik ərazi bütövlüyünü tanıdığını bəyan edib. Bura həm bütöv Qarabağ, həm də Sovet Azərbaycanının anklavları daxildir.

Leyla Mirzə