1922-ci il təvəllüdlü qadın "American Airlines" proqram təminatındakı səhvə görə cəmi 2 yaşında görünür. Səlahiyyətlilər proqramdakı səhvi həll edə bilməyiblər.

Bizimyol.info "webtekno"ya istinadən xəbər verir ki, təyyarə ilə səyahət edən "BBC" müxbiri görünməmiş hadisə ilə qarşılaşıb.

O, ABŞ-ın ən böyük hava yollarından biri olan "American Airlines" ilə səyahət etməyə çalışan 102 yaşlı qadının aviaşirkətin sistematik səhvi ucbatından cəmi 2 yaşında olduğunun şahidi olub. Üstəlik, zavallı qadın hər dəfə uçanda bu problemi yaşayır.

Soyadı açıqlanmayan Patrisiya adlı qadın 1922-ci ildə anadan olub. O, indiyədək onlarla təyyarə səfəri edib. Lakin son 2 ildə uçuş zamanı o, ciddi problemlər yaşayır. Çünki "American Airlines"ın proqram sistemləri bu qadının 102 yaşında ola biləcəyinə inanmır.

Əldə edilən məlumata görə, "American Airlines"ın proqram təminatı doğum tarixinin 1922-ci il kimi qeyd olunmasına baxmayaraq, yaş göstəricisində 100 il silinir. Beləliklə, uçuş heyəti əslində Patrisiyanı 2 yaşlı körpə kimi gözləyir. Stüardessaların hər dəfə təəccübləndiyini izah edən yaşlı qadın yeriməkdə çətinlik çəkdiyi üçün əlil arabasına ehtiyac duyduğunu, lakin tarixdəki səhvə görə bu fürsətdən yararlana bilmədiyini deyir.

Patrisiya həqiqətən problemə görə "American Airlines" ilə əlaqə saxlayıb. Lakin dəfələrlə keçirilən görüşlər heç bir nəticə verməyib. Yaşlı qadın sentyabrda başqa reyslə getməli olduğunu deyir və problemin o vaxta qədər aradan qalxması üçün dua edir.

Qadir, Bizimyol.info