Avropa Komissiyasının (AK) rəhbəri Ursula fon der Leyen "TikTok" sosial şəbəkəsinin Avropa İttifaqında (Aİ) bloklanacağını istisna etməyib.

Bizimyol.info xəbər verir ki, o, Hollandiyanın Maastrixt şəhərində keçirilən tədbirdə: “Bu, qeyri-mümkün deyil”, - deyə Avropa Komissiyası rəhbərinin sözlərindən “Politico” qəzetinin Avropa nəşri sitat gətirib.

Von der Leyen əlavə edib ki, Avropa Komissiyası “dünyada "TikTok"u korporativ telefonlarda qadağan edən ilk təşkilatdır”. "TikTok-un yaratdığı təhlükəni bilirik", - deyə o əlavə edib.

Avqustun 25-dən etibarən Avropa İttifaqı rəsmilərə görə “xüsusilə böyüklər” kateqoriyasına daxil olan 19 onlayn platformanın fəaliyyətinə nəzarəti gücləndirmək qərarına gəlib. Hazırda bunlara "X", "TikTok", "Instagram", "YouTube", "Google" və "Amazon Store" xidmətləri daxildir.

Avropa Komissiyasının vurğuladığı kimi, yeni qanunun prioritetləri uşaqların müdafiəsi və dezinformasiyaya, o cümlədən “Rusiyayönlü təbliğata” qarşı mübarizə olacaq. Onlar qeyd edirlər ki, Avropa Komissiyası bütün bu platformaların Avropa qaydalarına uyğunluğunu diqqətlə yoxlayacaq və pozuntular aşkar edilərsə, onlara qarşı sanksiyalar tətbiq edəcək.

Qadir, Bizimyol.info