Birləşmiş Ərəb Əmirlikləri Yerdən beş milyard kilometr məsafədə Mars və Yupiter arasındakı asteroid qurşağını tədqiq edəcək kosmik gəmi yaratmağa başlayır.

Bizimyol.info xəbər verir ki, bu barədə Dubayın baş naziri və hökmdarı Məhəmməd bin Rəşid Əl Məktumun Twitter səhifəsində yazıb.

"BƏƏ-nin Mars və Yupiter arasındakı asteroid qurşağının tədqiqi missiyası 13 il davam edəcək. Bunun altı ili gəminin inkişafı üçün, yeddi ili isə uçuşun özü üçün sərf ediləcək. Bu müddət ərzində MBR Explorer kosmik gəmisi yeddi asteroidi araşdıracaq və Mars ətrafında beş milyard kilometr məsafə qət edəcək. 2034-cü ildə sonuncu asteroidə eniləcək”, - deyə Dubay hökmdarı bildirib.

O qeyd edib ki, onun adını daşıyan kosmik gəmi bu il Qırmızı planetə enən BƏƏ-nin Marsa göndərdiyi Ümid zondundan on dəfə böyük məsafə qət edəcək.

Əl Maktumun sözlərinə görə, BƏƏ-nin asteroid qurşağı layihəsi "nəhəng milli elm layihəsi və unikal qlobal kosmik tədqiqat və bilik layihəsidir".

Bundan əlavə, o qeyd edib ki, bura kosmik texnologiya sahəsində Əmirliyin özəl şirkətlərinin yaradılması, yerüstü dərin kosmik missiyanın idarə edilməsi mərkəzinin yaradılması və bu sahədə Əmirliyin kadrlarının hazırlanması daxildir.

Leyla Mirzə