Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Yaponiyanın Baş naziri gələn ay ABŞ-a səfər edəcək
Yoşihide Suqa

Aprelin əvvəlində Yaponiyanın Baş naziri Yoşihide Suqa Vaşinqtona səfər edəcək.

APA-nın TASS-a istinadən xəbərinə görə, bunu Yaponiyanın xarici işlər naziri Toşimitsu Moteqi ölkəsində səfərdə olan ABŞ-ın dövlət katibi Entoni Blinkenlə görüşdə bildirib.

O qeyd edib ki, ölkəsi ABŞ-ın yeni administrasiyası ilə əməkdaşlığın gücləndirilməsinə tərəfdardır: “ABŞ Prezidentinin ölkəmizlə tərəfdaşlığı gücləndirmək istəyini yüksək qiymətləndiririk. Tərəfdaşlığımız regionda sabitlik və təhlükəsizliyin əsas meyarıdır. Bu danışıqlar ölkələrimiz arasında mövcud olan əlaqələri daha da gücləndirəcək və münasibətlərimizdəki yeni səhifənin başlanğıcı olacaq”.

ABŞ-ın dövlət katibi isə yeni vəzifədə ilk səfərini Yaponiyaya etməsindən məmnunluğunu ifadə edib: “Görüşdə ikitərəfli münasibətlərin vacib aspektlərinə toxunmaqla bərabər, regiondakı vəziyyəti müzakirə edəcəyik. Yaponiyalı həmkarımla görüşmək fürsətinə nail ola bildiyim üçün çox şadam. Nazir Moteqinin dediyinə əlavə olaraq qeyd etmək istəyirəm ki, ölkələrimiz arasındakı əməkdaşlıq təkcə regionda yox, bütövlükdə dünyada sabitlik və sülhün təminatçısıdır”.

ABŞ dövlət katibini müdafiə naziri Ostin Lloyd müşayiət edir. Səfər çərçivəsində “2+2” formatında danışıqların keçiriləcəyi gözlənilir.

Müzakirələrdə Çinin regionda təsir imkanlarının artması, ABŞ-Yaponiya birgə hərbi təlimləri, kosmik sahədə əməkdaşlıq, kibertəhlükəsizlik və digər məsələlərə də toxunulacaq.

Qeyd edək ki, analoji formatda sonuncu görüş 2019-cu ilin yanvar ayında Vaşinqtonda keçirilib.

Paylaş »
››› Kamil Zeynallı Qarabağ qazisini Maştağada dispanserə yerləşdirdi - Video
››› Polis rəisi “haqq” ödəməyən vətəndaşı tutdurdu... – “Əynindəki paltarı cıraraq başından zərbələr endirdilər”
››› Məktəb direktorunun qızı: Anamı xəstəxanada öldürüblər... - Fotolar
››› "Qarabağı ermənilər dağıtdı, Bakıda da bunlar..."
››› "Şəxsiyyət vəsiqəmə öz şəklini vuraraq 2,5 milyon dollarımı mənimsəyib" - Video
››› Ana oğlunu qorumaq üçün Prezidentə müraciət edib: “Deyirlər, generalı təhqir etmisən”
››› AZAL-ın “möcüzə”si: İslandiyadan Türkiyəyə Azərbaycandan daha ucuz gedib-gəlmək olur
Son xəbərlər
Bütün xəbərlər »