Mərkəzi Asiya ölkəsi Özbəkistanda daha 47 nəfərdə koronavirus aşkarlanıb.
“Report” xəbər verir ki, bunu ölkənin Səhiyyə Nazirliyi açıqlayıb.
Beləliklə, ölkədə qeydə alınmış koronavirusa yoluxma hallarının sayı 1 349-a çatıb.
Qeyd edək ki, Özbəkistanda koronavirusdan indiyədək ölənlərin sayı 4 nəfərdir.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.
Dünyada koronavirus infeksiyasına indiyədək yoluxanların sayı 2 083 000-i ötüb. Bunların 510 666 nəfəri sağalıb, 134 632 nəfəri isə ölüb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.