Kanada əvvəllər utilizasiyası planlaşdırılan "CRV7" hava-yer tipli raketləri Kiyevə ötürə bilər.
Bizimyol.info xəbər verir ki, "CBC" telekanalının məlumatına görə, Kanada Müdafiə Nazirliyində 1980-ci illərdə istehsal olunmuş, 2000-ci illərin əvvəllərində istismardan çıxarılan 83,3 min "CRV7" raketi var.
Müxalifət lideri Pierre Poilievre bu raketləri Ukraynaya təhvil verməyə çağırış edib və qeyd edib ki, onların utilizasiyasına pul xərcləməkdənsə, onları Kiyevə vermək daha yaxşıdır.
“Kanadalıları bu silahları sıradan çıxarmaq üçün milyonlarla dollar ödəməyə məcbur etmək əvəzinə, silahlar Ukraynaya verilməlidir ki, bu da onlardan suverenliyi müdafiə etmək üçün istifadə edə bilər”, - deyə o qeyd edib.
Verilən məlumatına görə, Kanadanın Milli Müdafiə Departamenti raketləri gələcək hərbi təchizat paketinin bir hissəsi kimi nəzərdən keçirdiyini etiraf edib. Eyni zamanda bir müdafiə rəsmisi qeyd edib ki, Kanadada on minlərlə belə raket və onların mühərrikləri olsa da, onların heç də hamısı döyüş başlığı ilə təchiz olunmayıb.
“Ukraynaya avadanlıq göndərməzdən əvvəl biz Ukrayna ilə yaxından əlaqələndiririk ki, istənilən ianə onun hərbi ehtiyaclarını ödəsin və avadanlığın əməliyyat effektivliyini araşdıraq”, - deyə ABŞ Müdafiə Nazirliyinin sözçüsü Daniel Minden bildirib. O, xüsusilə qeyd edib ki, raketlərin “işdə effektiv və Ukraynaya daşınması üçün təhlükəsiz olmasını” təmin etmək üçün sınaqlar aparılır.
Bildirilir ki, 8000-ə qədər raketin döyüş başlığı hələ də yaxşı vəziyyətdədir və dərhal Ukraynaya verilə bilər, qalanları isə ehtiyat hissələri üçün istifadə oluna bilər.
Qeyd edək ki, Soyuq Müharibə dövründə hazırlanmış "CRV7" dövrünün ən güclü hava-yer zərbə raketlərindən biri hesab olunurdu və Əfqanıstan Müharibəsi zamanı istifadə edilirdi. Raketlər həm döyüş təyyarələrindən, həm də döyüş helikopterlərindən buraxıla bilər. Onlar müxtəlif növ döyüş başlıqları ilə təchiz olunub ki, onlardan biri 7,3 kiloqram ağırlığında zirehli və ya güclü möhkəmləndirilmiş hədəflərə nüfuz etməyə qadirdir.
Kanadanın müdafiə naziri Bill Blair, yanvarın sonunda Ramstein formatında keçirilən son görüşdə Kanadanın təxminən 20 milyon dollar dəyərində 10 "Zodiac Hurricane Technologies" çoxməqsədli qayıqlarını Ukraynaya təhvil verəcəyini açıqlayıb. Bu qayıqların təhvil verilməsi və müdafiəçilərin hazırlanmasının 2024-cü ilin yazının sonunadək başa çatdırılacağı gözlənilir.
Kanada həmçinin "F-16"da ukraynalı pilotlara təlim keçmək üçün mülki təlimatçılar, təyyarələr və yardımçı heyət təmin edəcək. Təlim 2024-cü ilin fevralında başlayacaq və 2025-ci ilə qədər davam edəcək.
Qadir, Bizimyol.info
