Misir Qəzza zolağı yaxınlığındakı Rəfah sərhəd-keçid məntəqəsi yaxınlığında öz ərazisində tanklar və digər zirehli texnika yerləşdirib.

Bizimyol.info xəbər verir ki, bu barədə “The Times of Israel” qəzeti yazıb.

Nəşr Qəzza zolağı ilə sərhəddə onlarla zirehli texnikanın dayandığını göstərən fotoşəkilləri dərc edir. Qəzetin yazdığına görə, bu tədbirlər Misirin Fələstin-İsrail münaqişəsinin kəskinləşməsi səbəbindən on minlərlə qaçqının axınından ehtiyat etməsi ilə əlaqədardır, ona görə də indiyədək sərhədi bağlı saxlayıb, yalnız humanitar yardım daşıyan yük maşınlarına Qəzza zolağına keçmək üçün icazə verilib.

"The Times of Israel" onu da xatırladır ki, 1979-cu il sülh müqaviləsi Misirin Sinay yarımadasında saxlaya biləcəyi qüvvələrin sayını məhdudlaşdırır, lakin İsrail keçmişdə bölgədə islamçı üsyançılarla mübarizə aparmaq üçün onların artmasına icazə verib.

Bu arada Həmas sərhəd agentliyi xarici və ya ikili vətəndaşlığı olanlar bu gün Qəzzanı tərk edə biləcəyi barədə xəbər yayıb.

Agentlik Rəfah keçid məntəqəsində sərhədi keçə bilən və keçə biləcək 400 əcnəbi vətəndaşın siyahısını dərc edib. Keçid məntəqəsinə çatanların Misirin onları qəbul edilməsi ilə bağlı icazə verilib-verilməyəcəyi bəlli deyil.

Qadir, Bizimyol.info