Vladimir Putin ətrafındakılardan Ukrayna cəbhəsindəki Rusiya Silahlı Qüvvələrinin vəziyyəti ilə bağlı təhrif olunmuş məlumatlar alır.
Bizimyol.info xəbər verir ki, bu barədə “The Wall Street Journal” Rusiya kəşfiyyatındakı öz mənbələrinə və “Kremlə yaxın adamlara” istinadla yazıb.
Nəşrin yazdığına görə, Putinə hər gün cəbhədən yazılı hesabat verilir, orada işğalçıların uğursuzluqları həmişə yumşaldılır, yəni prezidentə pis xəbərlər verməməyə çalışırlar. Bəzən belə hesabatlar ümumiyyətlə əhəmiyyətsiz olur, çünki Putinlə masaya oturana qədər məlumatlar bir çox instansiyalardan, o cümlədən Təhlükəsizlik Şurasının sədri Nikolay Patruşevdən keçir.
Jurnal qeyd edir ki, Putini nəyin bahasına olursa olsun Rusiyanın qələbəsinə inandıran insanlarla əhatə olunub.
Fevralın 24-nə keçən gecə rus qoşunları Ukraynaya şimaldan, şərqdən və cənubdan genişmiqyaslı hücuma keçib. Putin öz müraciətində aqressiyanı ukraynalıların “denazifikasiyası”nın zəruriliyi ilə izah edib. Bir neçə gün sonra Rus ordusu Kiyevin ətrafına qədər gəldi, yaxınlıqdakı bir sıra yaşayış məntəqələri işğalçıların nəzarəti altına düşdü.
Ayrı-ayrı bölmələr Çernobıl Atom Elektrik Stansiyasına köçürüldü. Daha sonra rus qoşunları Enerqodara daxil olaraq Zaporojye atom elektrik stansiyasını ələ keçirərək nüvə obyektinin yerində yanğın təxribatları həyata keçirdilər. Həmin vaxt deşifrə edilmiş kəşfiyyat məlumatında deyilirdi ki, Putin bir neçə gün ərzində Kiyevi ələ keçirməyə çalışır. Ancaq döyüşlər təxminən bir ilə qədər uzandı.
Artıq yazda işğalçılar Kiyev, Sumı və Çerniqov vilayətlərindən qovuldular. May ayında düşmən Xarkov vilayətinin ələ keçirilən hissəsini, noyabrda - Xersondan və Xerson vilayətinin bütün sağ sahilini tərk etdi.
Döyüşlərdə 100 mindən artıq işğalçı məhv edilib, lakin Putin təslim olmaq fikrində deyil və qışda yeni genişmiqyaslı əməliyyata hazırlaşır. General Zalujnın sözlərinə görə, diktator 200 minə qədər ehtiyatda olan hərbçini hücuma cəlb edəcək. Hazırda Putin Belarusun da təcavüzündə birbaşa iştirakı məsələsini həll etməyə çalışır.
Qadir, Bizimyol.info
