“Ermənistanın Azərbaycanda anklav əldə etməsi müdafiədə əlavə çətinliklərə səbəb ola bilər”.

Bizimyol.info Ermənistan mediasına istinadən xəbər verir ki, bu barədə “Novosti-Armenia” youtube kanalının “Azlıqların rəyi” proqramında ekspert Şaqen Şahinyan bildirib. Onun sözlərinə görə, bu gün onlardan danışılmamasının yeganə səbəbi anklavların hüquqi mövcudluğunu sübut edəcək hüquqi əsasın hələ də tapılmamasıdır.

"Amma onlarla əlaqə yaradılarsa, nəzərə almaq lazımdır ki, Ermənistan ərazisindəki üç Azərbaycan anklavı dövlətlərarası avtomobil yollarının hissələrində yerləşir. Ona görə də anklavların köçürülməsi zamanı dövlətlərarası yollarda ciddi problemlər yaranacaq.

Xüsusilə, söhbət ölkənin cənubunu, şimalını və Ermənistanı İranla birləşdirən M2 dövlətlərarası avtomobil yolunun keçdiyi Ararat bölgəsində bir, Tavuş bölgəsində isə iki anklavdan gedir.

Ermənistanın Azərbaycanda da anklav ərazisi var - Artsvaşen. Sahəsi baxımından o, üç anklavın ümumi ərazisindən bir qədər aşağı olsa da, heç bir strateji ərazini tutmur, əksinə, tamamilə Azərbaycan ərazisi ilə əhatə olunub. Əgər bu, bizə keçərsə, kifayət qədər mürəkkəb vəziyyət yaranacaq və biz müdafiəni təşkil etməliyik”,- deyə o, bildirib.

Şahinyan yolların açılması məsələsinə də toxunub, xüsusən də bu prosesdə Ermənistan üçün faydalar barədə danışıb.

"Bütün yollar bizim təhlükəsizlik qüvvələrimizin nəzarətində olan Ermənistan Respublikasının suverenliyi çərçivəsində fəaliyyət göstərməlidir və biz gömrük nəzarətini həyata keçirməliyik. Yalnız bu halda yolların açılmasının faydalarından danışmaq olar",- deyə əlavə edib.

Onun sözlərinə görə, əks halda Azərbaycanın nəzarətində olan ekstraterritorial dəhliz açılarsa, Ermənistan bir sıra təhlükələrlə üzləşəcək, onlardan ən kiçiyi ölkənin iki yerə bölünməsi olacaq ki, bu da Azərbaycan rəhbərliyi və əhalisi üçün məqbul variant ola bilər.

Leyla, Bizimyol.info