Gündəm Cəmiyyət Hadisə Siyasət Dünya İdman Sağlamlıq Sosial-İqtisadi
Dəyişmək üçün fürsət məhz bu gündür!
Ramil Kerimli
Əziz dostlar!

Seçkiqabağı kampaniya başa çatmaq üzrədir. Mənim üçün bu ilk seçkidir. Bu həmyerlilərimlə - hörmətli ağsaqqallarla, mütərəqqi və enerjili gənclərlə, müxtəlif yaş, fikir və üstünlükləri olan insanlarla ünsiyyət qurmaq üçün böyük təcrübədir. Lakin hamımızı bir dəyər birləşdirir: hamımız Vətənimizi, doğma Azərbaycanımızı sevirik və onu daha yaxşı etmək istəyirik.

Seçkiqabağı kampaniya həmişə bir imtahandır. İlk növbədə bu fiziki güc sınağıdır, çünki seçkiqabağı təşviqat zamanı seçicilərlə görüşlərə mümkün qədər çox vaxt ayırmaq üçün gündə cəmi bir neçə saat yatırıq. İradəmiz də eyni dərəcədə imtahandan keçir, çünki deputatın vəzifəsi vətəndaşların problemləri ilə məşğul olmaq və həyatlarını yaxşılaşdırmaqdır. Quran bizə öyrədir: "Ölçən zaman ölçü qabını doldurun və düzgün tərəzi ilə çəkin". Buna görə də, heç bir işi yarımçıq görmək olmaz. Bu kampaniyanın nəticələrini yekunlaşdıraraq deyə bilərəm ki, Allah-təala, seçicilərim və özümün qarşısında vicdanlı ola bilərəm. Mən bütün komandam, qərargahın işçiləri və çox sayda könüllü ilə birlikdə seçki platformam üçün əlimdən gələni etdim. Allahın və Azərbaycan xalqının izni ilə, əkdiyimiz toxumlar gözəl bəhrə verəcəklər.

Bir çox namizəd seçkini həyatlarında son mübarizə kimi görür. Əsas qələbədir, otlar böyüyüb çəmənə çevrilməsə də olar - bu, bir çox namizədin məntiqidir. İnanıram ki, seçkilər bir seçicinin seçdiyi şəxsə verdiyi bir şansdır. Siyasətçi növbəti seçki barədə düşünür, amma dövlət xadiminin vəzifəsi gələcək nəsillər haqqında düşünməkdir. Ona görə də seçki kampaniyası zamanı reallaşdırılmaz vədlər vermədim.

Bütün həyatım, peşə təcrübəm qəti şəkildə sübut edir ki, qumdan tikilən xəyali qəsrlər yox, məhz planlı, ağır, zəhmətli iş uzunmüddətli və yaxşı nəticələr verir. Azərbaycan dinamik inkişaf yolundadır. Dövlətimizin uğurları danılmazdır, eyni zamanda iş bununla bitməməlidir. Bizim vəzifəmiz bu inkişafı sürətləndirmək, Suraxanı rayonunun hər bir sakinində müsbət dəyişiklik hiss etməkdir. Suraxanı rayonundan olan bir deputat kimi fəaliyyətim məhz bu istiqamətə yönləndiriləcək. Doğma diyarım Suraxanının günəşli Bakının kənarındakı adsız və rəngsiz bir yer olmaması mənim üçün çox vacibdir. Əminəm ki, bizim birgə səylərimizlə Suraxanı rayonu Azərbaycan paytaxtının əlvan boyunbağında parlayan əsl bir inciyə çevriləcəkdir.

Hamıdan səsvermədə iştirak etməyi və ən layiqli hesab etdiyiniz namizədi dəstəkləməyi xahiş edirəm. Demokratiya öz şüurlu seçimi üçün məsuliyyət daşımaqdır. Müşahidəçilərimiz və könüllülər iradənizin vicdanla göstərilməsini qorumaq üçün mümkün olan hər şeyi edəcəklər.

Dəyişmək üçün fürsət məhz bu gündür!

Hörmətlə

Ramil Kərimli

Paylaş »
››› İranda yüksək vəzifəli məmur da koronavirusa yoluxdu, ölkəni epidemiya bürüyür
››› Hakan Şükürdən 9 il sonra etiraflar: “Peşmanam...” - Video
››› Həbs edilən rayon başçısının eşşək ferması, otel və restoranları, min hektarlarla torpağı...
››› Azərbaycanda iş qurub işə düşən rus qadın: “Allahdan qorxmayanlarla üz-üzəyəm”
››› Məhkəmə Neftçalanın icra başçısı ilə bağlı qərar verdi
Son xəbərlər
Bütün xəbərlər »