Bizimyol.info xəbər verir ki, İran hərbi qüvvələrinin Ukraynaya məxsus sərnişin təyyarəsini raketlə vurmasının yeni videogörüntüləri yayımlanıb.

Videogörüntülərdən aydın görünür ki, qısa fasilə ilə iki raket buraxılır. Birinci raket hədəfi ciddi zədələməsə də, ikinci raket hədəfi dəqiq vurur. Raketlərin məqsədli şəkildə sərnişin təyyarəsini hədəfə alması da aydın görünür.

İran təyyarəni vurmasını etiraf edib, hadisənin "səhvən baş verdiyini" və günahkarların cəzalanacağını bildirib.

Təyyarədə yer alan 176 nəfər, o cümlədən İran, Ukrayna, Kanada, İngiltərə, Almaniya, İsveç və Əfqanıstan vətəndaşları həyatını itirib.