Gündəm Cəmiyyət Hadisə Siyasət Dünya İdman Sağlamlıq Sosial-İqtisadi
İnvestisiya Fondunun yaradılması şərtləri açıqlanıb
Ərəb Azərbaycan Investisiya fondu

"Azərbaycanda kiçik və orta biznesin maliyyələşdirilməsi üçün Ərəb kapitallı İnvestisiya Fondunun yaradılması 2020-ci ildən tez mümkün olmayacaq".

Bu barədə "Report"a “Azərbaycan-Ərəb Ölkələrinin Əməkdaşlığı” İctimai Birliyinin (AACC) icraçı direktoru Yalçın Əliyev bildirib.

Onun sözlərinə görə, fond üçün vəsaitlərin konsolidasiyası ilə bu təşəbbüslə çıxış edən və müxtəlif mənbələrdən 200-300 milyon ABŞ dolları məbləğində ərəb sərmayəsi cəlb etməyə hazır olan Bəhreynin BCNG maliyyə şirkəti məşğul olacaq.

"İnvestisiya fondunun yaradılması üçün ilk növbədə Azərbaycan və Bəhreyn arasında qarşılıqlı investisiyaların qorunması üzrə hökumətlərarası saziş imzalamaq lazımdır. Hazırda saziş layihəsi Bəhreyn tərəfindən təsdiqlənmə mərhələsindədir", - AACC-nin icraçı direktoru deyib.

Y.Əliyev qeyd edib ki, fond kapitalda iştirak etməklə kiçik və orta müəssisələrə investisiya qoymağı planlaşdırır: "İnvestisiya əsasən nou-hau, İT-sektor, turizm, tikinti materiallarının istehsalı, kənd təsərrüfatı sahələrinə qoyulacaq. İnvestorlar arasında startap layihələrlə maraqlananlar da ola bilər".

Paylaş »
››› İyulun 20-dək fəaliyyətinə icazə verilən sahələr
››› Professor ikinci və daha qorxunc dalğanın nə zaman başlayacağını açıqladı
››› Həkim: "Sağ qalsam, bir azərbaycanlıya pulsuz xidmət etməyəcəm"
››› Azərbaycanda son sutkada koronavirusa yoluxma sayı açıqlandı
››› BDU-nun daha bir tanınmış müəllimi vəfat edib
Son xəbərlər
Bütün xəbərlər »