Meksika Kitodakı səfirliyinə basqın edən Ekvadordan Beynəlxalq Ədalət Məhkəməsinə şikayət edib və bu ölkənin Birləşmiş Millətlər Təşkilatında (BMT) fəaliyyətinin dayandırılmasını istəyib.
Bizimyol.info "trthaber"ə istinadən xəbər verir ki, Meksikanın xarici işlər naziri Alicia Barcena mətbuat konfransında Ekvadorun səfirliyə basqınla beynəlxalq hüququn əsas prinsip və normalarını pozduğunu bildirib.
Barcena bildirib ki, Ekvador Meksikadan açıq şəkildə üzr istəyənə qədər BƏƏ-yə şikayət etdikləri BMT üzvlüyünün dayandırılmasını tələb etdilər: "Beynəlxalq hüquqa baxmayaraq, səfirliyimizin toxunulmazlığı açıq şəkildə pozulub. Diplomatlarımıza hücum edilib. Ekvador bu hərəkətlərinə görə mühakimə olunmalıdır", - deyə nazir qeyd edib.
Ekvadorun nümunəvi cəzalandırılması lazım olduğunu bildirən Barcena, bu cür basqınların təkrarlanmaması üçün beynəlxalq ictimaiyyətin Ekvadoru açıq şəkildə qınamasının vacib olduğunu bildirib. Barcena Ekvadorla azad ticarət razılaşması üzrə danışıqları dayandırdıqlarını və ticarət əlaqələrini dayandırmaq qərarına gəldiklərini qeyd edib.
Digər tərəfdən, Meksika prezidenti Andres Manuel Lopez Obrador açıqlamasında belə bir hadisənin bir daha yaşanmaması üçün çalışdıqlarını bildirib: "Bu, təkcə Meksikanın deyil, hər kəsin məsələsidir. Beynəlxalq hüquq təmin edilməli, heç bir ölkənin əmlakına və ya səfirliyinə zərər vurulmamalıdır", - deyib.
Ekvador polisi Ekvadorun keçmiş vitse-prezidenti Xorxe Qlası saxlamaq üçün onun 2022-ci ilin dekabrından bəri qaldığı Meksikanın Kito səfirliyinə basqın edib. Səfirliyin Siyasi Məsələlər üzrə mütəxəssisi Roberto Kanseko jurnalistlərə açıqlamasında Ekvador polisinin zorla içəri daxil olduğunu və şəxsi heyətə hücum etdiyini bildirib.
Meksika prezidenti Obrador qeyd edib ki, o, Xarici İşlər Nazirinə qanuni tədbirlər görməyə göstəriş verib: "Bu, beynəlxalq hüququn və Meksikanın suverenliyinin açıq şəkildə pozulmasıdır. Mən Ekvador hökuməti ilə diplomatik əlaqələrin dərhal dayandırılması barədə göstəriş vermişəm", - deyə o qeyd edib.
Qadir, Bizimyol.info
