Təsəvvür edin, gəmi qəzası nəticəsində özünüzə gələndə kimsəsiz bir adada olduğunuzu anladınız. Burada yemək üçün heç bir şey yoxdur. Bədəninizin hansı xüsusiyyətləri bu vəziyyətdən sağ çıxmağınızda sizə üstünlük verəcək?

Bizimyol.info "webtekno"ya istinadən xəbər verir ki, indiki şəraitdə normal çəkidə olmaq estetik ideal olaraq görüldüyü zaman, real həyatda qalmaq vəziyyətində hər şey dəyişə bilir. Bəs, elm bu barədə nə deyir?

İnsanların yemək yemədən nə qədər yaşamağa davam edə biləcəyi ilə bağlı məhdudiyyətlər mürəkkəb olsa da, müəyyən bədən tipli insanların üstünlüyə malik ola biləcəyini göstərən araşdırmalar var.

Təbii ki, insanların susuz bir həftə belə dayanması mümkün olmadığı üçün su bu məsələyə daxil edilmir, lakin aclığın müddəti çox dəyişə bilər.

Artıq çəkisi olanlara şad xəbərimiz var

Artıq çəki və ya piylənmənin zərərləri bu gün danılmaz bir həqiqətdir, lakin mümkün bir ssenariyə baxdığımızda, qıtlıq dövründə kök insanların normal çəkili insanlardan daha uzun müddət sağ qalacağını göstərən araşdırmalar var.

Enerji ehtiyatlarımızın mühüm bir hissəsi olan bədən yağları əslində qidanın olmadığı zamanlar üçün “ehtiyat benzin” rolunu oynayır. Bədənimiz enerji ehtiyaclarını ödəmək üçün əvvəlcə mövcud qlikogen anbarlarından, sonra isə yağ ehtiyatlarından istifadə edir. Yağ anbarları glikogendən daha çox enerji ehtiva etdiyi üçün daha uzunmüddətli enerji mənbəyi rolunu oynayır.

Tədqiqatlar göstərir ki, yağ ehtiyatları, xüsusən də uzun müddətli aclıq dövründə sağ qalmaq üçün çox vacibdir.

Aclıq olanda maddələr mübadiləsi də özünü yaxşılaşdırır

İnsanın enerjini nə qədər tez xərclədiyini ifadə edən maddələr mübadiləsi sürəti də aclıq vəziyyətində yaşamaq bacarığını nümayiş etdirir. Bədənimiz enerji istehlakını azaltmaq üçün metabolizm sürətini yavaşlada bilər. Beləliklə, enerji ehtiyatlarından daha səmərəli istifadə olunur.

Bir çox canlılar kimi insanlar da enerjinin məhdud olduğu şəraitə metabolik uyğunlaşmalar inkişaf etdirə bilirlər. Bu yolla ehtiyatlar qorunur və uzun müddət aclığa dözmək olar.

Bədənin tərkibi bizim yaşamaq qabiliyyətimizə təsir edən digər mühüm amildir. Əzələ kütləsi əhəmiyyətli enerji sərfiyyatı mənbəyi ola bilər, lakin bədən yağları qədər səmərəli enerji anbarı deyil. Buna görə bədən quruluşu, xüsusilə əzələ və yağ nisbəti baxımından balanslaşdırılmış bir quruluş enerji istehlakını optimallaşdıra bilər.

Qənaətcil gen fərziyyəsinin də deyəcəkləri var

Bəzi fərdlərin çoxlu miqdarda yağ yığa bilməsinin səbəbləri bəzi məqamlarda aydın deyil, lakin burada genetik amil də var. THG və ya “qənaətkar gen hipotezi” adlı bir fikir var. Bu fikrə görə, qıtlıq dövründə sağ qalmaq üçün yağ ehtiyatı saxlamaq çox vacibdir. İdeya bundan irəli gəlir ki, aclıq dövründə yağ yığmağa meylli genlərə sahib insanlar üstünlük təşkil edir.

Təbii ki, TGH müasir cəmiyyətimizdə piylənmə demək olduğu üçün dezavantajlı olsa da, keçmişdə üstünlük təşkil edirdi. Çünki yığılmış bədən yağları insanların qida çatışmazlığı zamanı sağ qalmasına imkan verən enerji tamponu idi.

Bu geni daşıyan fərdlər də sağ qalacaqları üçün genlərini gələcək nəsillərə ötürmə ehtimalı daha yüksəkdir. Ağlınıza elə gəlir ki, “O vaxtlar kök insanlar keçmişdə aclıqdan sağ çıxan şanslılar idilər”. Bəli, əslində bunu demək olar, amma müasir cəmiyyətdə heç vaxt gəlməyəcək aclığa doğru təkamül ediblər. Bu zaman kök insanlar piylənmənin mənfi nəticələri ilə baş-başa qalırlar.

Onda arıqlamaq üçün nə edirik? Ölüm orucunu tutmuruq

Bu fərziyyə geniş yayıldıqca, bir çox insanlar qeyri-adekvat qidalanaraq və hətta sərt oruc tutaraq arıqlamağa çalışırlar. Bununla belə, unutduqları məqamlar var. Müəyyən bir müddətdən sonra bədən yağ və əzələləri yandırmağa başlayır ki, bu da infarkt kimi ölümcül nəticələrə gətirib çıxarır. Qidalanma təmin edən aşağı kalorili pəhrizlər belə, aclığa dəlalət edən səbəblərdən ölümlə nəticələnə bilər.

Bəzi ekspertlər hətta müəyyən miqdarda yağları müdafiə edirlər. Əgər yıxılsanız və ağırlıq omba kimi həssas bir sümüyün üzərinə düşərsə, artıq yağ sayəsində omba sınıqlarından qoruna biləməyəcəyinizi bildirir. Bəziləri deyirlər ki, bir xəstəlik səbəbiylə yemək yeyə bilmirsinizsə, əlavə bədən yağları faydalı ola bilər.

Əgər kimsəsiz bir adada qapalı qalmısınızsa, artıq çəkilisinizsə, arıq insanlardan daha uzun müddət sağ qalmaq şansınız var. Bununla belə, bütün bunların hər kəsə aid olmayacağını nəzərə alaraq, arıqlamaq və ya arıqlamaqla bağlı mütəxəssis rəyi olmadan hərəkət etməməkdə fayda var.

Qadir, Bizimyol.info