"Gürcüstan hakimiyyəti ölkə həbsxanalarında məhbusların sayının azaldılmasında maraqlıdır, lakin eks-prezident Mixail Saakaşvili vaxtından əvvəl azadlığa buraxılmayacaq".
Bizimyol.info xəbər verir ki, bu barədə parlamentin sədri Şalva Papuaşvili müxalifət partiyasının “Girçi”nin genişmiqyaslı amnistiya təşəbbüsünü şərh edərkən bildirib.
Parlamentin Bürosu artıq “Amnistiya haqqında” qanun layihəsini qeydə alıb, ona əsasən, narkotik maddələri xüsusilə iri miqyasda satanlar istisna olmaqla, narkotik cinayətlərinə görə məhkum edilmiş şəxslər də azad edilməlidir. Həmçinin vəzifə cinayətlərinə görə məhkum olunanların müddətinin iki dəfə azaldılması təklif edilir: “Unutsunlar, Mixail Saakaşviliyə amnistiya olmayacaq. O, Gürcüstanda insan işgəncəsi və alçaldılması sistemi yaradıb. Saakaşvili rejiminin qurbanları qarşısında bizim vəzifəmiz onun cəzasını tam çəkməsini təmin etməkdir”, - deyə Papuaşvili bildirib.
Saakaşvili 2021-ci il oktyabrın 1-dən vəzifə səlahiyətlərindən sui-istifadə etdiyinə, əlavə olaraq bir neçə cinayət işi üzrə ittiham edilərək məhkum olunub. O, 6 il həbs cəzası alıb, hazırda həbsdədir. Papuaşvilinin sözlərinə görə, məhbusların sayının azaldılması məsələsində hakimiyyət dövlət maraqlarını rəhbər tutacaq: “Məqsədimiz odur ki, mümkün qədər az adam penitensiar müəssisədə təcrid olunmuş həyat keçirsin. Sayın azaldılması üçün hansı mexanizmlərin mövcudluğuna gəlincə, bu məsələyə dövlətin yanaşması, eyni zamanda Ədliyyə Nazirliyinin mövqeyi, hökumətin mövqeyi önəmlidir”, - deyə Papuaşvili bildirib. O, vurğulayıb ki, bu məsələnin həllində tək adamın siyasi proqrama daxil olmamalıdır.
“Girçi” parlament partiyası digər məsələlərlə yanaşı, ağır və xüsusilə ağır cinayətlər də daxil olmaqla, az ağır cinayətlərə görə məhkum edilmiş, habelə qadın və şərti məhkum edilmiş məhbusların cəzalarının iki dəfə azaldılmasını təklif edir. Qanun layihəsində cəza müddəti təyin edilmədən məhkum olunanların 30 ilə qədər həbs cəzasının azaldılmasından da bəhs edilir. 2024-cü il yanvarın 1-nə olan məlumata görə, Gürcüstan həbsxanalarında 9,9 min məhbus var ki, onlardan 1,8-i cəzasını gözləyirdi. Məhkumların əksəriyyəti şəxsə qarşı törədilmiş ağır və xüsusilə ağır cinayətlərə və ya iqtisadi cinayətlərə görə həbsdədirlər.
Qadir, Bizimyol.info
