"Avropa Komissiyasının (AK) prezidenti Ursula fon der Leyen tövsiyələrə baxmayaraq, işgüzar səfərləri üçün tez-tez şəxsi təyyarələrdən istifadə etməyə davam edir".
Bizimyol.info xəbər verir ki, " Der Spiegel" jurnalının verdiyi məlumata görə, o, keçən il 23 dəfə kirayə götürdüyü şəxsi təyyarədən istifadə edib.
Onun sözlərinə görə, 27 Avropa komissarından yalnız bir neçəsi bəzən şəxsi təyyarələrlə uçur, 2023-cü ildə ümumilikdə 29 belə uçuş həyata keçirilib. Belə ki, fon der Leyen belə uçuşların demək olar ki, 80%-ni təşkil edib. AK rəhbəri hətta Avropa Parlamentinin binalarının yerləşdiyi Brüssellə Strasburq arasında qısa məsafə üçün şəxsi təyyarədən üç dəfə istifadə edib, baxmayaraq ki, bu marşrutla rahat sürətli qatar hərəkət edir.
Avropalı məmurlara və siyasətçilərə yüksək xərclər, iqlim gündəmini nəzərə alaraq, işgüzar səfərləri üçün qatarla səyahətə və ya müntəzəm reyslərə üstünlük vermələri tövsiyə olunur.
Siyahıya əsasən, fon der Leyen 2021 və 2022-ci illərdə şəxsi təyyarə ilə ümumilikdə 57 dəfə səyahət edib. Daha sonra Avropa Komissiyasının sədri bu qədər sayda şəxsi uçuşları əsaslandıraraq bildirib ki, koronavirus pandemiyası səbəbindən müntəzəm reyslərin əhəmiyyətli dərəcədə azalıb. Bundan əlavə, o, bir çox ölkələrin hökumətlərindən fərqli olaraq, AK-nin öz uçuşlarını həyata keçirmədiyini söylədi.
"AK rəhbərinin iqlim böhranı qarşısında hələ də şəxsi təyyarələrə güvənməsi utancvericidir.", - deyə Alman solçularının lideri Martin Şirdevan, von der Leyenin uçuşlarının siyahısını tələb etdikdən sonra "Der Spiegel"ə bildirib. Onun sözlərinə görə, Avropa Komissiyasının prezidenti və üzvlərinə, eləcə də AK heyətinin üzvlərinə qatarla 6 saat ərzində çatmaq mümkün olan istiqamətlərə artıq uçmağa icazə verilməməlidir. "Az pulu olan insanları enerjiyə qənaət etməyə təşviq etmək, lakin şəxsi təyyarə ilə A nöqtəsindən B nöqtəsinə uçmaq qəbuledilməz bir addımdır", - deyə Şirdevan qeyd edib.
Daha əvvəl von der Leyen XDİ idarə heyətinin iclasından sonra ikinci müddətə namizədliyini irəli sürəcəyini açıqlamışdı. CDU sədri Fridrix Merzin qeyd etdiyi kimi, namizədliyin irəli sürülməsi ilə bağlı qərar idarə heyəti üzvləri tərəfindən yekdilliklə qəbul edilib. Von der Leyen 2019-cu ilin iyununda Avropa İttifaqının sammitinin qərarı ilə AK rəhbəri vəzifəsinə təyin edilib. O, bu vəzifəni 2019-cu il dekabrın 1-dən tutur. Avropa Komissiyası rəhbərinin növbəti səlahiyyət müddəti 2024-cü ilin dekabrından 2029-cu ilin noyabrına qədər davam edəcək.
Qadir, Bizimyol.info
