Avropa Parlamentinə (AP) qarşıdan gələn seçkilərdə hakim "FİDES - Macarıstan Vətəndaş Birliyi" partiyasının siyahısına rəhbərlik edən Macarıstanın keçmiş ədliyyə naziri Judit Varqa siyasətdən getdiyini açıqlayıb.

Bizimyol.info xəbər verir ki, Budapeştdə verdiyi bəyanatda o, Macarıstan prezidenti Katalin Nowakın keçən il pedofiliya cinayətində əli olan bir adamı əfv etmək qərarının hazırlanmasına cavabdeh olduğunu bildirib.

"Prezidentin qərarının hazırlanmasına görə siyasi məsuliyyəti öz üzərimə götürürəm. Mən ictimai həyatı tərk edirəm, parlament üzvü və Avropa Parlamentinə seçkilərdə siyahının lideri kimi mandatımdan imtina edirəm", - deyə Varqa bildirib.

Novak da qalmaqal fonunda prezident vəzifəsindən istefa verib.