Demokratlar Partiyasından ABŞ prezidentliyinə namizədliyi uğrunda mübarizəyə qatılan yazıçı Marianne Uilliamson seçki kampaniyasının dayandırıldığını və prezidentlik yarışından geri çəkildiyini açıqlayıb.

Bizimyol.info xəbər verir ki, Uilyamson özünün "YouTube" kanalında yayımladığı videomüraciətdə bildirib.

“Bu yaxınlarda insanların gün batımının sonun da gözəl ola biləcəyini göstərdiyini söylədiklərini eşitdim. Və beləliklə, bu gün prezidentlik kampaniyamı dayandırmağın vaxtı olsa da, gözəlliyi görmək istəyirəm. Biz cəmiyyətdə öz sözünü deyə bilməyənlərin adından danışdıq. Biz hökumətin uğursuz siyasəti ilə dolayısı ilə də olsa həyatı pozulanların adından danışdıq. Ekoloji böhranlar, irq böhranları, cinayət böhranları, iqtisadi böhranlar üzündən mübarizə aparanların adından danışdıq. Çox qaranlıq vaxtlara işıq salmaq üçün əlimizdən gələni etdik”, - deyə o qeyd edib.

Yazıçının sözlərinə görə, kampaniya başa çatsa da, daha geniş hekayəyə töhfə verib.

Uilyamson 2023-cü ilin martında ən yüksək hökumət postu uğrunda mübarizədə iştirak etmək niyyətində olduğunu açıqlayıb. Yazıçı əvvəllər 2020-ci il seçkilərində Demokratlar Partiyasından ABŞ prezidentliyinə namizəd kimi irəli sürülmək istəyib. Cənubi Karolina ştatında keçirilən son ilkin seçkilərdə o, təxminən 2% səs toplayıb.

Noyabrın 5-də ABŞ-da növbəti prezident seçkiləri keçiriləcək. 25 aprel 2023-cü ildə ABŞ-ın hazırkı prezidenti Demokrat Co Bayden yenidən seçilmək üçün namizədliyini irəli sürəcəyini açıqladı. Keçmiş Amerika lideri Respublikaçı Donald Tramp 2022-ci ilin noyabrında seçki yarışına qatılacağını açıqladı.

Qadir, Bizimyol.info