ABŞ Qabaqcıl Müdafiə Tədqiqat Layihələri Agentliyi - DARPA, inqilabi yeni şaquli qalxış və eniş (VTOL) təyyarəsi hazırlamağa çalışır.

Bizimyol.info space.com-a istinadla xəbər verir ki, proqram “Köməkçi” kimi tanınır. Köməkçi proqramı əvvəlcədən mövcud hava bazaları və ya digər infrastrukturu olmayan ərazilərdə yerə enə və qalxa, əlverişsiz hava şəraitində fəaliyyət göstərə və hətta xüsusi buraxılış və bərpa avadanlığı olmadan dəniz gəmilərinin göyərtələrindən yerləşə bilən xüsusiyyətlərə malikdir. DARPA proqramın ekipajlı və ya ekipajsız bir gəmi hazırlamaq üçün nəzərdə tutulduğunu açıqlamayıb. Lakin agentlik tərəfindən yayımlanan videoda pilotların gəmini planşetlə idarə etməsi təsvir edilib. Bu isə, o dmeəkdir ki, bu, uzaqdan idarə olunan və ya avtonom nəqliyyat vasitəsi olacaq. Eyni zamanda “ANCILLARY” proqramı aşağı çəkiyə malik, böyük yükləri daşıya bilən və uzun müddət havada qala bilən bir gəmi inkişaf etdirməyi hədəfləyir.

Agentlik müvafiq sənaye və akademik təşkilatlardan belə bir təyyarənin tələb ediilməsi ilə bağlı məlumat yayımlayıb. DARPA-nın “ANCILLARY” proqramının meneceri Stiv Komadinanın sözlərinə görə, həssas əməliyyatlar zamanı təyyarənin xüsusiyyətləri işçi heyətini, xərcləri və məğlubiyyəti minimuma endirəcək.

Xatırladaq ki, bir sıra laboratoriyalar və istehsalçılar son illərdə VTOL təyyarələrinin tədqiqi və oxşarları üzərində işləyirlər. ABŞ Hərbi Hava Qüvvələrinin “Agility Prime” proqramı uzaqdan idarə olunan VTOL gəmisini sınaqdan keçirir. NASA isə Kaliforniyanın “Joby Aviation” şirkəti tərəfindən hazırlanmış tam elektriklə işləyən şaquli qalxma və enmə edən “hava taksilərini” sınaqdan keçirib. Bu cür platformalar enmə və qalxma üçün uzun uçuş-enmə zolaqlarına ehtiyac duymur.

Qeyd edək ki, mütəxəssislərin fikrincə, VTOL təyyarələri hava səyahətində inqilab edə bilər. Potensial olaraq təyyarələri idarə etmək üçün tələb olunan infrastrukturu minimuma endirəcək və ənənəvi motorlu gəmilərdə fərqli olaraq, səssizdir.

İlahin, Bizimyol.info