Beynəlxalq Nüvə Enerjisi Agentliyinin baş direktoru Rafael Mariano Qrossi BMT Təhlükəsizlik Şurasının iclasında Zaporojye AES-də hərbi əməliyyatlar nəticəsində fəlakətin baş verə biləcəyi barədə xəbərdarlıq edib.
Bizimyol.info xəbər verir ki, Qrossi bu barədə Twitter-də məlumat verib.
Buna görə də MAQATE ZAES-də Nüvə Təhlükəsizliyi və Mühafizəsi Zonasının (NTMZ) yaradılmasını tələb edir.
"Biz odla oynayırıq. Mənim şəxsən gördüyüm və ekspertlərimlə birlikdə qiymətləndirdiyim kadrlar sadəcə olaraq qəbuledilməzdir", - deyə Qrossi qeyd edib.
O, ZAES missiyasının üzvlərinin tam, sürətli və etibarlı məlumat almaqla vəziyyəti sabitləşdirməyə və yerlərdə baş verən hadisələri yaxından izləməyə kömək edəcəyini bildirib.
“Biz indi baş verənlərdən – atom elektrik stansiyasının atəşə tutulmasından qaçmaq üçün çox sadə, lakin son dərəcə zəruri qoruyucu mexanizm barədə razılığa gələ bilərik”, - deyə MAQATE rəhbəri bildirib.
Qrossi vurğulayıb ki, Ukraynadakı nüvə obyektlərinin təhlükəsizliyini və insanların təhlükəsizliyini təmin etmək üçün ən yaxşı tədbir bu silahlı münaqişənin dərhal dayandırılması olardı: "Ancaq bu baş verənə qədər nüvə qəzasının qarşısını almaq üçün təcili müvəqqəti tədbirlərə ehtiyac var. Biz dərhal ZAES-də təhlükəsizlik zonasının yaradılması üzrə məsləhətləşmələrə başlamağa hazırıq", - MAQATE-nin baş direktoru bildirib.
Onun sözlərinə görə, stansiyanın fiziki bütövlüyü bir neçə dəfə pozulub və AES-ə avqust ayında atəşə tutulması nəticəsində daha çox ziyan dəyib .
Qrossi həmçinin xatırladıb ki, reaktorun nüvələrinin soyudulması üçün xarici enerji təchizatında fasilələr onun əriməsinə səbəb ola bilər ki, bu da faciəni qaçılmaz edə bilər.
Qadir, Bizimyol.info