“The Wall Street Journal” xəbər verir ki, ABŞ məhkəməsi “Tvitter”-in keçmiş əməkdaşını Səudiyyə Ərəbistanına casusluqda təqsirli bilib.

Bizimyol.info xəbər verir ki, 44 yaşlı Əhməd Abuammo 2013-2015-ci illərdə Yaxın Şərqdə yüksək profilli müştərilərlə ünsiyyətə məsul olub. Eyni zamanda pul mükafatı əldə edə bilmək üçün ölkəni tənqid edən sosial şəbəkə istifadəçilərinin şəxsi məlumatlarını krallığın səlahiyyətli orqanlarına ötürüb.

Bununla yanaşı, onun çirkli pulların yuyulması, maliyyə hesabatlarının saxtalaşdırılması, eləcə də dələduzluqla məşğul olduğu qeyd edilir.

“Cənab Abuammo e-poçt ünvanlarını və telefon nömrələrini əldə etmək üçün mütəmadi olaraq Səudiyyə hakimiyyətini tənqid edən hesablara daxil olurdu. Daha sonra o, bu məlumatı Səudiyyə rəsmisinə ötürüb”,- deyə qəzet yazır.

Kaliforniyada federal məhkəmənin münsiflər heyəti ikili ABŞ-Livan vətəndaşı olan Əhməd Abuammonun Səudiyyə hökumətinin qeydiyyatdan keçməmiş agenti kimi fəaliyyət göstərdiyini müəyyən edib.

Abuammonun Tvitter-dəki vəzifəsindən istifadə edərək Səudiyyə monarxiyasını tənqid edənləri müəyyən edən şəxsi məlumatları tapmaq üçün Tvitter-də anonim paylaşımlar edərək, daha sonra məlumatı Şahzadə Məhəmmədin köməkçisi Bader əl-Asakerə çatdırdığı məlum olub.

Bunun müqabilində Asakerin ona 20 000 dollarlıq saat hədiyyə etdiyi və Livanda Abouammonun atasının adına açılmış hesaba ümumilikdə 300 000 dollardan çox pul ödədiyi bildirilir.

İttihama görə, Səudiyyə hökuməti ilk dəfə 2014-cü ilin mayında Abuammo ilə əlaqə saxlayıb və ondan bir qrup Səudiyyə “sahibkarı” üçün Tvitter-in San-Fransisko ofisinə tur təşkil etməyi xahiş edib. Asaker və vəliəhd şahzadənin digər işçilərindən ibarət qrup növbəti ay San-Fransiskoya səfər edib.

İttihama görə, Asaker üçün vasitəçi kimi fəaliyyət göstərməkdə ittiham olunan Almutairi San-Fransiskodakı Tvitter qərargahı yaxınlığında "qarşılıqlı maraqlarını" müzakirə etmək üçün təcili görüşüblər.

Dekabr ayında Abouammo ona lüks saat və 20.000 dollar nağd pul verib.

İttihama görə, Abuammo bir neçə gün ərzində Səudiyyə rejimini tənqid edən bir “Tvitter” istifadəçisinin şəxsi məlumatlarına qeyri-qanuni şəkildə daxil olaraq məlumat ötürüb.

Elə həmin ay Livanda Abouammonun atasının adına yaradılmış hesaba 100.000 dollar məbləğində ilk ödəniş edilib.

İttihamda deyilir ki, Abouammo 2015-ci ilin mayında Tvitter-dən istefa verdikdən sonra hesaba daha 200 min dollar ödənilib.

İlahin, Bizimyol.info