“Sərfəli” və “Universal” məhsulları çərçivəsində müştərilər pul vəsaitlərini məqsədlərinə uyğun olaraq istənilən müddətə - 90 gündən 730 günədək yerləşdirə bilər. Bu, əlamətdar tarix və ya səyahət ola bilər. “Sərfəli” depoziti üzrə faizlər müddətin sonunda, “Universal” üzrə isə aylıq ödənilir.
“Bank VTB müştərilərə vəsaitlərini maksimal dərəcədə sərfəli şərtlərlə yerləşdirməyi təklif edir. Bankımızın depozit məhsullarına olan tələbat çox yüksəkdir. Milli valyutada olan əmanətlər daha çox aktualdır, çünki müştərilər üçün qazandıqları və xərclədikləri valyutada depozit açmaq daha sərfəlidir. Faiz dərəcələrinin artırılması müştərilərə gəlirlərini artırmağa, eləcə də planlarından və tələbatlarından asılı olaraq daha rahat şərtlər seçməyə imkan verir”- deyə, Pərakəndə biznesin inkişafı departamentinin direktoru Yevgeni Borodin bildirib.
Müştərilər bu təkliflərdən həm bankın filiallarında, həm distant kanallar - Facebook və WhatsApp mesencerlərdəki çat-bank Direct, internet və mobil bank vasitəsilə yararlana bilər.
Depozit açıldıqda hesablanmış faizlərin məxarici üçün müştəriyə pulsuz ödəniş kartı, eləcə də SMS-xəbərdarlıq xidməti və internet- mobil banka qoşulmaq imkanı verilir. Depozit məhsullarının şərtləri barədə ətraflı məlumatı bankın saytından əldə etmək mümkündür.
