ABŞ-ın Korpus-Kristi şəhərində (Texas ştatı) “Magellan Midstream Partners” şirkətinin zavodunda xam neft rezervuarının partlaması zamanı ən azı yeddi əməkdaş xəsarət alıb. “Qafqazinfo” bildirir ki, bu barədə “Associated Press” yanğın xidmətinə istinadən xəbər verib.

Onun məlumatına görə, xəsarət alanlardan dördünün vəziyyəti kritik qiymətləndirilir. Alışma tamamilə ləğv edilib. Hadisə nəticəsində ciddi maddi ziyan dəyməyib.

“Biz hələ nə baş verdiyini və yanğına nə səbəb olduğunu bilmirik”, - deyə şirkətin nümayəndəsi Mark Kelhun bildirib.