Dünya bazarlarında neftin qiyməti yüksəlməyə başlayıb. Əsas səbəb kimi Səudiyyə Ərəbistanının Rusiyaya təzyiqi azaltması göstərilir.

Bizimyol.info xəbər verir ki, ərəb ölkəsi maya nisbəyən iyunda neft bazarındakı güzəştlərini 2-3 dəfə azaldacaq. Avropalılar bu ay “Arab Extra Light”, “Arab Light”, Arab Medium” və “Arab Heavy” markalarının barelini 8.9-11.4 dollara ala bilir. Yəni təxminən 10 dollara qədər güzəştdən söhbət gedir. İyunda belə olmayacaq. Gələn ay orta hesabla 3.1-4.2 dollar güzəşt nəzərdə tutulub.

Səudiyyə Ərəbistanı ABŞ-a göndərilən neftin qiymətində də dəyişiklik edəcək. Amerikalılara xammal mayla müqayisədə 1-1.8 dollar baha satılacaq.

Səudiyyə Ərəbistanı ABŞ-la sövdələşmədə kəskin addım atmaq istəmir. Çünki təkcə apreldə bu ölkəyə ixrac 4 dəfə artıb.

Səudiyyə Ərəbistanının hasilatı artırmaq, Avropa ölkələrinə nisyə neft təklifi qərarları Rusiyaya böyük zərbə endirmişdi. Məsələn, apreldə Polşa ruslardan 1 barel belə, neft almamışdı. Əvəzində Avropa ölkəsi 560 min ton “Arab Light” əldə etmişdi.

Belarus da ərəblərlə işləməyə başlayıb. Prezident Aleksandr Lukaşenko rus neftindən tam imtina haqda danışır. Mayın 11-də Klaypeda limanına Səudiyyə neftinin ilk partiyası – 80 min ton məhsul gələcək. Ərəblərlə sövdələşmə davam edə bilər.