Cəbrayıl-Qubadlı DSK-sı seçki təbliğatı ilə məşğul olub.
Bizimyol.info xəbər verir ki, 120 saylı Cəbrayıl-Qubadlı DSK-nın Beyləqan rayonu, Mil qəsəbəsində yerləşən 67 saylı məntəqə katibi və Cəbrayıl rayonu, Dağtumas kənd məktəbin direktoru olan Quliyev Sovet İslam oğlu və Beyləqan rayonu, Milabad qəsəbəsində 69 saylı məntəqənin sədri olan Məmmədəliyev Məhyəddin Eyvazlı oğlu Azərbaycan Respublikasının Seçki Məçəlləsinin 17-ci maddəsinin tələblərini kobudcasına pozaraq həmin dairədən namizədliyi qeydə alınmış Ceyhun Məmmədovun təşviqat və təbliğat kompaniyasında iştirak etmişlər.
Məntəqə üzvlərinin bu hərəkətləri Cəbrayıl rayon sakinlərin etirazlarına səbəb olub. Namizədliyi həmin dairədən qeydə alınmış Şaiq Piriyev həmin şəxslərin MSK üzvlüyündən uzaqlaşdırılmaları və barələrində inzibati tədbirlər görülməsi ilə bağlı aidiyyatı orqanlara müraciət edib.
Bizimyol.info