Gündəm Cəmiyyət Hadisə Siyasət Dünya İdman Sağlamlıq Sosial-İqtisadi
Azərbaycanda kişilər ailə qurmağa tələsmirlər - 29 ilin rekord göstəricisi
192304---000

Azərbaycanda rəsmi nikaha daxil olan kişi və qadınların orta yaş həddi artıb.

Rəsmi nikaha daxil olan kişilər arasında ən yüksək orta yaş həddi 2018-ci ildə qeydə alınıb.

Belə ki, bu, son 29 il ərzində qeydə alınan ən yüksək yaş həddidir. 2018-ci ildə nikaha daxil olan kişilərin orta yaşı 29, qadınlar da isə 24 olub.

Aparılan statistikaya görə, ölkədə 1996-2009-cu illərdə kişilər üçün orta nikah yaşı 28,6 olub. 2017-ci ildə bu yaş göstəricisi bir qədər də artıb və həmin ildə rəsmi nikaha girən kişilər arasında orta yaş həddi 28,8-ə, 2018-ci ildə 29-a yüksəlib.

2018-ci ildə Azərbaycanda rəsmi nikaha daxil olan qadınlar arasında da orta nikah yaşı artıb. Belə ki, 1991-2011-ci ilə qədər ölkədə qadınlar arasında nikaha daxil olanların orta yaş həddi 23 olduğu halda, 28 il sonra ötən il bu yaş həddi 24-ə çatıb. Qeyd edək ki, bu göstərici həm də 1990-cı il üzrə də qeydə alınıb.

Birinci nikaha daxil olan kişi və qadınların orta yaş həddində də müəyyən qədər artım müşahidə olunub. Belə ki, 20 il əvvəl ilk dəfə nikaha daxil olan kişilər arasında orta yaş həddi 25-26, qadınlar arasında isə 22-23 olub. 2000-2018-ci ildə isə ilk dəfə nikaha daxil olan kişilər arasında orta yaş həddi 28, qadınlarda isə 24 olub.(oxu.az)

Paylaş »
››› “Şadlıq evlərində toy eləmək daha mümkün deyil” - Deputat
››› Narazılıqla qarşılanan qərar bu gündən qüvvəyə minir
››› Türkan icra nümayəndəsinin oğlu öz bacısını öldürdü
››› Azərbaycanda son sutkada koronavirusa yoluxanların sayı açıqlandı
››› Rusiya daha 4 ölkə ilə hava əlaqəsini bərpa edəcək
Son xəbərlər
Bütün xəbərlər »