Gündəm Cəmiyyət Hadisə Siyasət Dünya İdman Sağlamlıq Sosial-İqtisadi
"General Motors"un 49 mindən çox işçisi tətil elan edib
General Motors

"General Motors" avtomobil konserninin 49 mindən çox əməkdaşı, ABŞ-ın avtomobil sənayesi işçilərinin Birləşmiş Həmkarlar İttifaqının üzvləri tətilə başlayıb. Bu, sözügedən Həmkarlar İttifaqının 2007-ci ildən bəri ilk milli tətilidir.

"Report" TASS-a istinadən xəbər verir ki, şirkət rəhbərliyi ilə yeni əmək müqaviləsinin şərtləri ilə bağlı danışıqların nəticəsiz qalmasından sonra Həmkarlar İttifaqının bu qərarı verib. Əməkdaşlar iş vəzifələrini yerinə yetirməkdən imtina edirlər, bəziləri isə hətta təşkil ediləcək piketə qatılmaq niyyətindədir.

"Associated Press"in məlumatına görə, ittifaqla konsern arasında kollektiv müqavilənin müddəti şənbə günü axşam başa çatıb. Bazar günü 200-ə yaxın zavod müdiri tərəflərin axşamadək razılığa gəlməyəcəkləri təqdirdə tətil keçirilməsindən yana olduqlarını açıqlayıb. Bazar ertəsi işçilərin tətillərinə görə ABŞ-ın 9 ştatında 33 zavod, eləcə də ehtiyat hissələrin bölüşdürülməsi üzrə 22 müəssisə bağlanıb. Aksiyanın hansı müddətə planlaşdırıldığı bilinmir.

"General Motors" rəhbərliyinin bildirdiyinə görə, onlar öz növbəsində işçilərə maaşların artırılmasını, tibbi sahədə güzəştlərin təmin edilməsini və 5,4 min yeni iş yerlərinin açılmasına yardım olacaq 7 milyard dollarlıq investisiya qoyulmasını təklif edib.

Paylaş »
››› Azər Axşam həyat yoldaşını dəstəklədi, dövlət başçısına müraciət edəcəyini bildirdi - Foto
››› Cavidin qatili “Altes Qrup”un prezidentinin qardaşı oğludur
››› Ərdoğan Azərbaycanda açıqladı: "İndi biz altı dövlət, tək millətik"
››› Ərdoğan: "Dünyanın gözü önündə terrorçulara 30 min yük maşını silah verdilər"
››› Yanvarın 1-dən evini sığorta etdirməyənlər cərimələnəcək
Son xəbərlər
Bütün xəbərlər »