"Amerikanın "F-16" qırıcıları artıq Ukrayna ordusu üçün aktual deyil".

Bizimyol.info xəbər verir ki, bu fikri Ukrayna Silahlı Qüvvələrinin zabitləri “Politico” qəzetinin Avropa nəşri ilə söhbətində bildiriblər.

“Çox vaxt biz silah sistemlərini ehtiyac duyduğumuz anda almırıq - onlar artıq aktual olmayanda gəlirlər. Hər silahın öz vaxtı var. "F-16"lara 2023-cü ildə ehtiyac var idi, lakin 2024-cü ildə bu təyyarələr bizim döyüş planlarımız üçün uyğun olmayacaq”, - deyə nəşrin həmsöhbətlərindən biri qeyd edib.

Ukrayna hərbçiləri "F-16"nın əhəmiyyətini itirməsinə səbəb kimi Rusiya ordusunun döyüş meydanında görünmə ehtimalına hazır olmasını göstərir. Onların sözlərinə görə, Rusiya Silahlı Qüvvələri qırıcıların mümkün məhv zonasını maksimum dərəcədə artırmaq və onları cəbhə xəttindən və logistika qovşaqlarından mümkün qədər uzaq tutmaq üçün "S-400" sistemlərinin yerləşdirilməsi üçün sərfəli mövqeləri aktiv şəkildə hesablayır.

"Politico" yazdığına görə, Ukrayna Silahlı Qüvvələrinin zabitlərinin qiymətləndirmələri göstərir ki, "X"in sahibi İlon Maskın münaqişə davam edərsə, Ukraynanın Odessanı itirməsi və Qara dənizə çıxışı ilə bağlı proqnozları doğru çıxa bilər.

"Ukrayna uzun müddətdir ki, tərəfdaşlarından "F-16" qırıcılarını ona ötürməyi xahiş edirdi. Bununla belə, Qərb pilotların və yerüstü xidmət personalının lazımi ilkin hazırlığı olmadan Kiyevi belə təyyarələrlə təmin etməyin mümkünsüzlüyünü vurğulayıb.

Danimarka, Hollandiya, ABŞ və bir sıra digər Qərb ölkələri bu gün ukraynalı pilotların hazırlanmasında fəal iştirak edirlər", - deyə o qeyd edib.

Martın 31-də Mask bildirib ki, Ukrayna Rusiya ilə danışıqlara razılıq verməsə, Odessanı və Qara dənizə çıxışını itirmək riski ilə üzləşir. “Ukraynanın Qara dənizə bütün çıxışını itirib-itirməyəcəyi sual altındadır. Məsləhət görərdim ki, bu baş verməmişdən əvvəl vəziyyət danışıqlar yolu ilə həll olunsun”, - deyə o, "X"də yazıb.

Qadir, Bizimyol.info