Artıq orucluğun 9-cu günündəyik. Amma bəzi suallar var ki, hər zaman oruc tutan şəxsləri narahat edir. Bu suallardan bəzisinə aydınlıq gətirək:

Qusmaq orucu pozurmu?

Qusmaq qəsdən olmadıqda orucu pozmaz. Əgər qəsdən edilsə və ağız dolusu olsa, oruc pozulur.

Siqaret orucu pozurmu?

Orucun əsas ünsürü yemək, içmək və cinsi yaxınlıqdan çəkinmək və bunlardan ruhu məhrum etmək olduğu üçün oruc tutanda bu və buna işarə edən davranışlar orucu pozur. Yemək və içmək adət halında olan hər şeyi ehtiva edir. Siqaret, qəlyan, narkotik kimi həyəcanverici tütün əsaslı maddələr və asılılıq nəticəsində alınan bütün maddələr oruc qadağaları sırasına daxildir.

Hər hansı səbəbdən ağızdan alınan dərmanlar da eyni qaydaya tabedir.

Saqqız çeynəmək orucu pozurmu?

Ağız və burunla qəbul edilən və mədəyə çatan hər şey orucu pozar. Bu baxımdan ağız qoxusunun qarşısını almaq və ya diş ağrısını aradan qaldırmaq üçün ağıza səpilən spreylər və buna bənzər maddələr udulub mədəyə çatarsa, orucu pozar. Və udmadıqda orucu pozmaz.

Bu gün istehsal olunan saqqızların tərkibində ağızda əriyən əlavələr olduğundan, nə qədər diqqətli olsanız da, onları udmaqdan qaçınmaq mümkün deyil. Bu səbəbdən bu cür saqqız çeynəmək orucu pozar.

Digər tərəfdən hansı saqqızın orucu pozmayan növü olduğu bilinmədiyi üçün oruc tutarkən saqqız çeynəməkdən çəkinmək lazımdır.

Dişləri fırçalamaq orucu pozurmu?

Boğaza su çəkmədən ağzı su ilə yaxalamaq orucu pozmadığı kimi, dişləri fırçalamaq da orucu pozmaz. Lakin diş məcunu, misvak parçaları və ya su boğaza girərsə orucu pozulur. Orucun açılma ehtimalını nəzərə alaraq, imsakdan əvvəl və iftardan sonra dişlərin fırçalanması məqsədəuyğundur.

Dırnaq və ya saç kəsmək orucu pozurmu?

Oruc tutanda saç, saqqal, dırnaq kəsmək, bədəni təmizləmək kimi əməllər orucu pozmaz.

Ağız suyu orucu pozurmu?

Ağız bədənin içi sayıldığı üçün tüpürcəyi udmaq orucu pozmaz.

İlahin, Bizimyol.info