Mayın 31-dən iyunun 2-dək Crystal Hall-da regionun ən böyük oyun festivalı olan "Game Summit Baku 2024" adlı tədbirin keçirilməsi planlaşdırılır.
Sammitin rəsmi media tərəfdaşı Bizimyol.info portalı xəbər verir ki, tədbirdə ən müasir virtual reallıq və simulyasiyaya xüsusi diqqət yetiriləcək. Ən son oyun yenilikləri, yerli oyun tərtibatçılarının nailiyyətləri və qlobal eSports turniri də vurğulanacaq.
Regionun ən böyük oyun festivalında Biznes Günü, ESports Günü, həmçinin kospley və konsertlərdən təşkil olunacaq.
Ziyarətçilər NES, SEGA və PlayStation 1 kimi əfsanəvi konsolların vasitəsilə retro oyunları oynayarkən keçmişin nostaljisini yaşamaq və virtual reallığa qərq olmaq imkanı əldə edəcəklər.
"GameSummit Baku 2024" oyun festivalında, həmçinin tədbir ziyarətçilərinin də iştirak edə biləcəyi kospley yarışması keçiriləcək. Eyni zamanda festivalda iştirak edənlər oyun, anime və digər kateqoriyalara aid geyimləri nümayiş edə biləcəklər.